ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆى دابه‌زینى ئایه‌تى (٨٤) سوره‌تى (التوبة): { وَلاَ تُصَلِّ عَلَى أَحَدٍ مِّنْهُم مَّاتَ أَبَداً .. }
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئایه‌ته‌که : (بخارى) ى (مسلم) له (إبن عمر)ه‌وه ده‌گێڕنه‌وه ،ده‌ڵێن : کاتێک (عبدالله) ى کوڕى (ابى) مرد ، کوڕه‌که‌ى هات بۆ خزمه‌تى پێغه‌مبه‌رى خوا (درودى خواى له‌سه‌ر بێت) و داواى لێکرد کراسه‌که‌ى خۆى بداتێ هه‌تا بیکات به کفن بۆ باوکى ، پێغه‌مبه‌رى خواش (درودى خواى له‌سه‌ر بێت) کراسه‌که‌ى دایه،ئینجا داواى لێکرد نوێژى له‌سه‌ر بکات ،پێغه‌مبه‌رى خواش (درودى خواى له‌سه‌ر بێت) هه‌ستا تا نوێژى له‌سه‌ر بکات ، (عمر) ى کوڕى (خطاب) هه‌ستا به‌دواى داو له‌دواوه جله‌کانى گرت ووتى : ئه‌ى پێغه‌مبه‌رى خوا (درودى خواى له‌سه‌ر بێت) ئه‌وه نوێژى له‌سه‌ر ده‌که‌یت،خۆ په‌روه‌ردگاره‌که‌ت ڕێگرى کردووه لێت له‌وه‌ى نوێژ له‌سه‌ر دوو ڕوو بکه‌یت ؟ پێغه‌مبه‌رى خواش (درودى خواى له‌سه‌ر بێت) فه‌رمووى : خواى گه‌وره سه‌رپشکى کردووم له‌نێوان داواى لێخۆش بوون و داوانه‌کردنى و فه‌رموویه‌تى : { اسْتَغْفِرْ لَهُمْ أَوْ لاَ تَسْتَغْفِرْ لَهُمْ .. } من له حه‌فتا جار زیاتر داواى لێخۆش بوونى بۆ ده‌که‌م ،(عمر) وتى : ئاخر دوو ڕووه ! به‌ڵام پێغه‌مبه‌رى خوا (درودى خواى له‌سه‌ر بێت) نوێژى له‌سه‌ر کرد و په‌روه‌ردگاریش ئایه‌تى : { وَلاَ تُصَلِّ عَلَى أَحَدٍ مِّنْهُم مَّاتَ أَبَداً وَلاَ تَقُمْ عَلَىَ قَبْڕهِ } ئینجا دواى ئه‌و ئایه‌ته پێغه‌مبه‌رى (خوا درودى خواى له‌سه‌ر بێت) ده‌سبه‌ردارى نوێژکردن بوو له‌سه‌ر دوو ڕووان ئه‌مه‌ش له فه‌رمووده‌ى (عمر) و (أنس) و (جابر) دا هاتووه.