ماڵپەری قورئانی پیرۆز

(فیرعەون) میسریی یەو.. (هامان)یش میسری بووە.. بەڵام (قارون) لەبەنو ئیسرائیلە.. وادیارە هۆكاری پێك گەیەنەریان هەر ستەم‌و دەستدرێژی‌و شێواندن‌و بێ‌باوەڕی‌و بەدرۆخستنەوەیە. جادوای ئەوەی ئەو هۆكارە هاوبەشەیان لەنێوان دابووەو پێكی گەیاندوون، بەڵام هەریەكەیان بە تاوانێكی خۆیەوە لەوانی دی جودایە: بۆ نموونەش لە ستەم داڕۆچوونی (فیرعەون) بەهۆی موڵك‌و دەسەڵاتییەوە بووە، هەربۆیەش داوای لە گەلەكەی كردووە، كە بیپەرستن‌و پێی گوتوون: (من نەمدیوە جگە لە خۆم خودایەكتان هەبێـت) . لە ستەمدا ڕۆچوونی (هامان)یش بەهۆی وەزارەت‌و پلەوپایەی لای فیرعەون‌و راپەراندنی فەرمانەكانی بووە.. لە ستەمدا رۆچوونی(قارون)یش لەڕێ‌ی دەوڵەمەندی‌و پارەداری‌و ماڵا‌و گەنجینەكانییەوە بووە. كەواتە ئەمان هەرسێكیان ستەمكارن ئەگەرچی هۆیەكانی ستەمكارییان جیاوازو لێك جودا بێت.

جا لێرەدا سێ‌ هۆی ستەمكاریی دەردەكەون: (دەسەڵات پلەوپایە ماڵا وسامان).

ئەم هۆیانەش بە درێژای هەموو جۆرە سەردەمێكی مێژوویی مرۆڤایەتی هەن‌و بەردەوامن، چەندەها ستەمكاریش دیل‌و گرفتاری ئەم هۆیانە بوون.. هەروەها چەندین كەس لە خەڵكی، كە دەكەونە نێو ستەمكارییەوە بەهۆی موڵك‌و دەسەڵاتەوەیە، چەندینی تریش بەهۆی كارو فەرمان (وڤیفه)و پلەوپایەو خۆبەزل زانییەوەیەو، چەندەهای تریش بەهۆی ماڵا‌و سامان‌و دەوڵەمەندییەوەكەیە لە ستەمدا ڕۆدەچێت.

هۆیەكان هەمە ڕەنگ‌و چەند جۆرێكن‌و حوكمەكەشیان یەكێكەو، ستەمیش هەرستەمە.

سەیر لەوەش دایە هەرسێ‌ ستەمكارەكە (فیرعەون‌و هامان‌و قارون) بەهەمان ئاكاری پێشوازی وەسفی موسایان كردووەو، هەمان وەڵامی چونیەكیان هەبووەو گوتوویانە: سیحربازێكی درۆزنە

خودای مەزن كە دەفەرموێت قارون لە هۆزەكەی موسایەبەدوایدا فەرموویە واتە: (ستەمی لێ كردن‌و خۆی لە ئاستیاندا بەرزو بڵند راگرت كە خاوەنی وتەی یەكەم بێت لە هەموو شتێكدا، چونكە لە هەموویان دەوڵەمەندترە). لە زمانی عەرەبیدا وشەی (بغی) واتە لە ستەمدا ڕۆچوون‌و زۆرداری‌و دەستدرێژی.. ئەویش بەهۆی ماڵا‌و گەنجینەكانییەوە ستەمی لێكردوون .. ماڵا‌و سامانیش هاندەرە بۆ ستەم‌و زۆرداری ئەگەر خاوەنەكەی ئیمانی نەمابێـت. وەك لەم ئایەتانەی چیرۆكی قاروندا دیارە، ئەم پیاوە لە هۆزی (بەنوو ئیسرائیل) بووە دوای ئەوەی كە لە (میسر) دەرچوون، ئەمەش بەپێی ئەو، ئایەتانەی ئاماژە بۆ وجودی دوو جۆرە كۆمەڵا لە (بەنو ئیسرائیل) دەكەن: كۆمەڵێكیان ئەو كەسە باوەڕدارو زانایانەن كە خۆزگەیان بە (قارون) نەخواردووەو ئاواتە خوازی سامانەكەی نەبوون كۆمەڵی دووەمیشیان ئەو ساویلكەو دوروون لاوازانە بوون كە سەرسام و تەفرەدراو بوون پێی. بەڵگەش لەسەر تەفرە خواردنی ئەمان ئەوەیە كاتێك (قارون) بەو شێوە خۆڕازاندن‌و خۆنواندنەوە بە بناو هۆزەكەیدا دەسووڕێتەوە، ئەمان ئاواتی پێ دەخوازن‌و حەز دەكەن وەك ئەوبن.

بەڵام لەكوێ‌ بەناویاندا سووڕاوەتەوەو، شیكارو وردەكاریی چیرۆكەكەیلەگەڵا موسادا چییەو چۆن كۆتایی پێهاتووەو،كەی ولەكوێ‌؟ 

ئەم پرسیارانە هیچ وەڵامێكیان لە قورئان‌و سوننەتدا نیە، تەنها چەند وتەیەكی دەسهەڵبەست لەلای حیكایەتخوانانی ئەفسانە پووچەكانی (ئیسرائلیات) نەبێت كە بەبێ‌ بەڵگە هۆنیویاننەتەوە.