ماڵپەری قورئانی پیرۆز

نوسینگه‌ى ته‌فسیر....\ئیمام بوخاری له‌ زۆر گه‌ڕانیدا، له‌ جوگرافیاناسه‌ گه‌شتیاره‌کانی وه‌کو ئیبنو به‌توته‌ چوه‌، ناوچه‌و شاری گرنگ و مه‌دره‌سه‌ نه‌ماوه‌ بۆی نه‌چوبێت. خۆی ده‌ڵێ:  دوو جار چومه‌ته‌ شام و میسرو جه‌زیره‌ (مه‌به‌ستی له‌ سوریاو عێراق و تورکیا)ی ئه‌مڕۆیه‌، که‌ که‌وتونه‌ته‌ نێوان دیجله‌و فوراته‌وه‌) چوار جاریش بۆ به‌سره‌، شه‌ش ساڵیش له‌ حیجاز بوم، ناشزانم چه‌ند جار چومه‌ته‌ کوفه‌و به‌غداد و، له‌ خزمه‌ت فه‌رموده‌وانانیدا بوم...
خه‌تیبی به‌غدادی/ ده‌ڵێ: بوخاری بۆ کۆکردنه‌وه‌ی حه‌دیس، چۆته‌ خۆراسان و، هه‌مو شاره‌کانی عێراق و حیجازو شام و میسرو، چه‌نده‌ها جاریش هاتۆته‌ به‌غدا..
ئیمام ئیبنول حه‌جه‌ری/ ده‌ڵێ:  که‌ له‌ مه‌ککه‌ گه‌ڕایه‌وه‌، ئیدی ڕوی کرده‌ هه‌مو ئه‌و جێگایانه‌ی ده‌یزانی ئه‌هلی حه‌دیسیان لێیه‌، بۆیه‌ سه‌فه‌ری کرد بۆ به‌ڵخ و نه‌یسابور(ئێستا له‌ ئێراندایه‌و عایدی پارێزگای مه‌شهه‌ده‌) ڕه‌ی(شارێکی گه‌وره‌و گرنگ بو نزیک تاران، ئاسه‌وارێکی که‌می ماوه‌) هه‌روه‌ها بۆ به‌غداو به‌سره‌و کوفه‌و مه‌دینه‌و واسیت(له‌ نێوان به‌سره‌و کوفه‌دایه‌) و دیمه‌شق و عه‌سقه‌لان(نزیک غه‌ززه‌یه‌ له‌ فه‌له‌ستین) هه‌روه‌ها حیمیێ(لة سورياية) وهی تریش...