ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆى دابه‌زینى ئایه‌تى (٩٥-٩٦) (سوره تى التوبة) :{سَيَحْلِفُونَ بِاللَّهِ لَكُمْ إِذَا انْقَلَبْتُمْ إِلَيْهِمْ ... فَإِنَّ اللَّهَ لَا يَرْضَى عَنِ الْقَوْمِ الْفَاسِقِينَ }
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / (طبرى) به‌سه‌نه‌دى خۆى ده‌گێڕێته‌وه (عه‌بدوڵڵاى کوڕى که‌عبى کوڕى مالیک) ووتى : له باوکم بیست ده‌یوت کاتێ پێغه‌مبه‌رى خوا (درودى خواى له‌سه‌ر بێت) له غه‌زاى (ته‌بوک) گه‌ڕایه‌وه دانیشتبوو تا
خه‌ڵک بچنه خزمه‌تى جا کاتێ ئه‌وانه‌ى له غه‌زا دوا که‌وتبوون هاتنه لاى و ده‌ستیان کرد به به‌هانه هێنانه‌وه و سوێند خواردن بۆ پێغه‌مبه‌رى خوا (درودى خواى له‌سه‌ر بێت) که ژماره‌یان له هه‌شتا که‌س زیاتر بوو، پێغه‌مبه‌رى خواش (درودى خواى له‌سه‌ر بێت) عوزر و به‌هانه‌که‌یانى قه‌بوڵ کردن و به‌یعه‌تى لێ وه‌رگرتن و داواى لێ بوردنى بۆکردن و نیه‌ت و مه‌به‌ستیانى دایه ده‌ست خوا به‌ڵام من به‌ڕاستى دواکه‌وتنه‌که‌مم به پێغه‌مبه‌رى خوا (درودى خواى له‌سه‌ر بێت) ووت ،سوێند به خوا ، خوا هیچ به‌هره‌یه‌کى پێ نه‌داوم دواى هیدایه‌ت دانم بۆ ئایینى ئیسلام گه‌وره‌تر بێت لام له ڕاست ووتنم (ده‌رباره‌ى دواکه‌وتنم ) به پێغه‌مبه‌رى خوا (درودى خواى له‌سه‌ر بێت) که درۆم نه‌کرد له‌گه‌ڵیدا تا ببێته هۆى تیاچونم هه‌رچۆنێ ئه‌وانه‌ى درۆیان کرد تیا چوون،بێگومان خواى گه‌وره خراپترین ووته‌یه‌ک به که‌سێ بوترێ فه‌رمووى به‌وانه‌ى که درۆیان کرد کاتێ سروشى نارده خواره‌وه { سَيَحْلِفُونَ بِاللَّهِ لَكُمْ إِذَا انْقَلَبْتُمْ إِلَيْهِمْ ... فَإِنَّ اللَّهَ لَا يَرْضَى عَنِ الْقَوْمِ الْفَاسِقِينَ }.