ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
دوو دیمه‌نى بێ بڕواکان له‌قیامه‌ت دا :
ئه‌ندازیار عوسمان.......[ ولو أن لكل نفس ظلمت ما في الارض لافتدت به ، واسروا الندامة لما رأوا العذاب ، وقضي بينهم بالقسط وهم لا يظلمون ] یونس : ٥٤ . واته : ئه‌گه‌ر هه‌رچى له‌زه‌وىدایه هى سته‌مکارێک بێت له قیامه‌تدا ئه‌ى دات به‌مه‌رجێک له‌سزا رزگارى بێت … ئه‌و سته‌مکارانه په‌شیمانى و داخ و خه‌فه‌تیان له‌و رۆژه‌دا ده‌شارنه‌وه و ئاشکراى ناکه‌ن ، له‌به‌ر ئه‌وه‌ى له‌لایه‌که‌وه ئه‌بڵه‌ق بوون و ، به‌چاو ده‌یبینن دۆزه‌خى سه‌خت و سامناک !! وه له‌لایه‌کى دیکه‌وه هێشتا ئازاره‌که‌یان نه‌چه‌شتووه و حه‌ز ناکه‌ن خه‌ڵک پێیان بزانن … ئه‌مه دیمه‌نێکى قیامه‌ته و سه‌ره‌تایىیه به‌ڵام له‌دیمه‌نه‌کانى دیکه‌دا ، که‌وان له‌ناو دۆزه‌خ دا هاوار ده‌که‌ن و دان ده‌نێن به‌هه‌موو تاوانه‌کانیاندا به ئاشکرا هه‌روه‌ک له‌سووره‌تى (تبارك) دا ( ئايةتى /11) ده‌فه‌رموێت : [و للذين كفروا بربهم عذاب جهنم وبئس المصير اذا القوا فيها سمعوا لها شهيقاً وهي تفور ، تكاد تميز من الغيظ كلما القي فيها فوج سألهم خزنتها ألم يأتكم نذير ، قالوا بلى قد جاءنا نذير فكذبنا وقلنا ما نزل الله من شئ ان انتم الا في ضلال كبير ، وقالوا لو كنا نسمع أو نعقل ما كنا في أصحاب السعير ، فاعترفوا بذنبهم فسحقاً لأصحاب السعير ] واته : ئه‌وانه‌ى بێ بڕوان به په‌روه‌ردگاریان سزاى دۆزه‌خیان بۆ هه‌یه که خراپترین چاره‌نووسه ، کاتێک که فڕێ درانه ناوىیه‌وه لووره‌یه‌کى لێ ئه‌بیه‌ن وه ئه‌و ئه‌جۆشێ ، نزیکه دۆزه‌خ له ڕقا پاره پاره ببێ ، هه‌رچه‌ند ده‌سته‌یه‌ک فرێ بدرێته ناویه‌وه ده‌رگاوانه‌کانى دۆزه‌خ پرسیاریان لێده‌که‌ن ئایا ترسێنه‌رتان بۆ نه‌هاتووه ؟ وتیان : به‌ڵێ ترسێنه‌رمان بۆ هاتووه ، به‌ڵام به‌درۆمان ده‌زانى ، وه پێمان ده‌وتن خوا هیچى نه‌ناردۆته خواره‌وه و ئێوه له‌گومڕاییه‌کى گه‌وره‌دان ، وه وتیان ئه‌گه‌ر قسه‌مان ببیستایه و تێ بگه‌یشتینایه و عه‌قڵمان هه‌بوایه ، ئه‌مڕۆ هاوڕێو هاوده‌مى دۆزه‌خ نه‌ده‌بوین … به‌و جۆره دانیان نا به‌تاوانه‌کانیاندا … ده هه‌ر با دووربن له‌ڕه‌حمه‌تى خوا هاوده‌مه‌کانى دۆزه‌خ …