ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
په‌نا بگره به‌خوا له خه‌م و دڵته‌نگى
نوسینى: د.عائض القرنى
وه‌رگیرانى: حمید مصطفى,سامان مصطفى
ئامادةكردنى: سانا حمدامين
وا گومان نابه‌م که ژیرى ده‌ست له خۆشى هه‌لگرێ یان باوه‌ردارێ په‌نا به‌رێته‌به‌ر بێ هیوایى و ره‌شبینى , له‌وانه‌یه توڕه‌یى به‌سه‌ر مرۆڤدا زاڵبێ و بێته هۆى له‌ده‌ست دانى دڵنیایى و ڕه‌زامه‌ندى, لێره‌دا پێویسته له‌سه‌رى که پشت به خودا ببه‌ستێ تا ڕزگارى بکات له‌و ته‌نگ و چه‌ڵه‌مه‌یه, ته‌سلیم بوون به ته‌وژمى خه‌مۆکى سه‌ره‌تاى داڕوخانێکى گشتگیره‌تره له بازنه‌یه‌کدا که ده‌بێته هۆى تێکچون و په‌کخستنى ته‌واوى کاره‌کان.
له‌به‌ر ئه‌وه پێغه‌مبه‌رى خوا صلى الله علیه وسلم هاوڕێکانى وا ڕاده‌هێنا که په‌نا به‌خوا بگرن و داواى کۆمه‌کى لێبکه‌ن بۆ ڕزگاربوون له‌و به‌لآیانه, ابو سعیدى خدرى ده‌ڵێ: ڕۆژى پێغه‌مبه‌رى خوا (د.خ) دێته نا مزگه‌وت, پیاوێکى ئه‌نصارى لێبوو که پێیان ده‌وت (ئةبو ئةمامة), پێى فه‌رمووئه‌ى ئه‌بو ئه‌مامه... چۆنه کاتى نوێژ نیه و له مزگه‌وت ده‌تبینم؟ ووتى: په‌ستى و قه‌رزارى وایان لێکردووم, فه‌رموى: ئایا وته‌یه‌کت فێرکه‌م گه‌ر بیخوێنى خواى مه‌زن خه‌م و خه‌فه‌تت لاده‌با و قه‌رزه‌کانت ده‌ده‌یته‌وه؟ ووتى: به‌ڵێ ئه‌ى پێغه‌مبه‌رى خوا , فه‌رموى: کاتێ له خه‌و هه‌ستاى و کاتێ شه‌و داهات ئه‌مه بخوێنه: ((اللهم انى اعوذ بك من الهم والحزن, واعوذ بك من العجز والكسل, واعوذ بك من الجبن البخل, و اعوذ بك من غلبة الدين وقهر الرجل)), واته: خوایه گیان من په‌نا ده‌گرم به‌تۆ له‌هه‌ر غه‌م و په‌ژاره‌یه‌ک, وله‌په‌ستى و ته‌مبه‌ڵى, وله ڕژدى و ترس, و له‌که‌ڵه‌که‌بونى قه‌رز له‌سه‌رم و زوڵمى زاڵمان و توڕه‌یى پیاوان. ابو داود گێڕاویه‌ته‌وه. وتى: ئه‌مه‌م ئه‌نجامداوه, خواى مه‌زن خه‌م و په‌ژاره‌ى له‌سه‌ر هه‌ڵگرتم, و له قه‌رزاریه‌که‌ش ڕزگارم بوو.