ماڵپەری قورئانی پیرۆز

وه‌رگێڕانى : ناصح ئیبراهیم سازانى /  ئه‌مه‌ش یه‌کێکى تره‌ له‌و سه‌رپێچیانه‌ى زۆربه‌ى خه‌ڵک تێی که‌وتوون له‌گه‌ڵ ئه‌وه‌شدا که‌ پێغه‌مبه‌رى خوا (صلى الله علیه‌ وسلم)

قه‌ده‌غه‌ی کردووه‌: (نَهَى أَنْ يَبُولَ الرَّجُلُ فِي مُسْتَحَمِّهِ) . واته‌: پێغه‌مبه‌رى خوا (صلى الله علیه‌ وسلم) نه‌هی کردووه‌ که‌سێک میز بکاته‌ ئه‌و شوێنه‌ى خۆی تێدا ده‌شوات.فه‌رموده‌که‌ به‌ڵگه‌یه‌ له‌سه‌ر قه‌ده‌غه‌کردنى میزکردنه‌ شوێنى خۆشتن, چونکه‌ ئاسه‌وارى له‌و شوێنه‌دا ده‌مێنێته‌وه‌ ئه‌گه‌ر که‌مێک ئاوى به‌رکه‌وت ده‌بێته‌ هۆی پیس بوونى شوێنه‌که‌, رێگه‌یه‌که‌ بۆ دروست بوونى وه‌سوه‌سه‌ له‌به‌ر ئه‌م (علل)ه‌ پێغه‌مبه‌ر (صلى الله علیه‌ وسلم) نه‌هی لێ کردووه‌. بێگومان ده‌ڵێن: ئه‌گه‌ر شوێنى خۆشتن گونجى هه‌بوو ئه‌وا که‌راهه‌تى نیه‌, چونکه‌ قه‌ده‌غه‌که‌ په‌یوه‌سته‌ به‌ (علة) عیلله‌تى بلآوبوونه‌وه‌ى پیسیه‌که‌وه‌ و پاشان وه‌سوه‌سه‌ له‌به‌ر ئه‌وه‌ له‌ نه‌هى ته‌حریمه‌وه‌ ده‌گۆڕێت بۆ که‌راهه‌ت .