ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
جیاوازی سروشتی زه‌وی
ئاماده‌كردنى /سه‌روه‌ر حه‌سه‌ن
مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
خواى په‌روه‌ردگار ده‌فه‌رموێت:{وَالْبَلَدُ الطَّيِّبُ يَخْرُجُ نَبَاتُهُ بِإِذْنِ رَبِّهِ وَالَّذِي خَبُثَ لَا يَخْرُجُ إِلَّا نَكِدًا كَذَلِكَ نُصَڕّفُ الْآيَاتِ لِقَوْمٍ يَشْكُرُونَ (58)} [الأعراف]، واته: ولاَتی به‌پیت و چاك و ئاوه‌دان دار و ڕووه‌كی تێدا ده‌ڕوێت به فه‌رمانی په‌روه‌ردگارى، ئه‌وه‌ش كه زۆنگ و پیس و بێكه‌ڵك بێت، شتی بێسوود و بێفه‌ڕ نه‌بێت هیچی لێ په‌یدا نابێت، ئا به‌وشێوه‌یه به‌ڵگه و نیشانه‌ى جۆراوجۆر ده‌هێنینه‌وه بۆ كه‌سانێك كه دڵسۆزن و سوپاسی خوا ده‌كه‌ن.
خاكی كشتوكاڵی له زه‌وییه‌كه‌وه بۆ یه‌كێكی تر ده‌گۆڕێت، به‌گوێره‌ى پله‌ى جۆرچاكی: زه‌وى لمین هه‌یه، زه‌وى قوڕین، زه‌وى خوێدار یاخود زه‌وى بیابان و جگه له‌وانه‌ش.
ئه‌م جیاوازییه له سروشتی زه‌ویدا له گرنگترین ڕێسا كشتوكاڵییه‌كانه كه له‌كاتی لێكۆڵینه‌وه له‌و زه‌وییانه‌دا ڕه‌چاو ده‌كرێن، ئه‌م ڕاستییه زانستییه له قورئانی پیرۆزدا پێشینه‌ى هه‌یه.
له گرنگترین هۆكاره‌كانی جیاوازى له جۆرى زه‌وى كشتوكاڵیدا، جیاوازییه له قه‌باره‌و ژماره‌ى كونیله‌كانی نێو خاك. بۆ نموونه زه‌وى قوڕینی ڕه‌ش ئاو گل ده‌داته‌وه، چونكه كونیله‌كانی ته‌سكه، ئه‌وه‌ش یارمه‌تی ده‌دات له پارێزگاریكردنی ئاو، له كاتێكدا زه‌وى لمین به خێرایی ئاوى پێدا ڕۆده‌چێت، چونكه كونیله‌كانی فراوانه و ناتوانێت پارێزگارى ئاوى سه‌ر ڕووه‌كه‌ى بكات.
دابه‌زینی ئاو به زه‌ویدا ده‌بێته‌هۆى به‌رزكردنه‌وه‌ى ئه‌و هه‌وایه‌ى له كونیله‌كاندا هه‌یه، به‌وه‌ش ئاوه‌كه جێی هه‌واكه ده‌گرێته‌وه، هه‌ربۆیه قوڕ به ئاو ده‌كشێت و به وشكبوونه‌وه ده‌چێته‌وه‌یه‌ك.
سه‌رچاوه کتيبي:
زنجيره‌ى قورئان و زانست (6)
قورئان و گه‌ردوونناسى له نوسينگه‌ي ته‌فسير