سەرەکیەکان

ئاماری ماڵپەر





ته‌فسیری ئاسان دابه‌زێنه‌


خوێندنەوەو تەفسیری قورئانی پیرۆز

- بۆ خویندنه‌وه‌ى قورئان و گوێ گرتن له‌ هه‌ر قورئانخوێنێک کلیک لێره‌ بکه
-  بۆ گوێ گرتن له‌ قورئان و خوێنه‌وه‌ى وبینینى ته‌فسیره‌که‌ى پێکه‌وه‌ به‌کوردى و زمانه‌ جیهانیه‌کان کلیک لێره‌ بکه

سەرەتا

هەوڵا بدە بۆ پاداشتی رۆژی دوایی لە ماڵاو نیعمەتەكان دا..چيرۆكه‌ قورئانيه‌كان

هەوڵا بدە بۆ پاداشتی رۆژی دوایی لە ماڵاو نیعمەتەكان دا..چيرۆكه‌ قورئانيه‌كان

نووسينى /د.صلاح عبدالفتاح الخالدى /نووسينگه‌ى ته‌فسير///فەرمایشتەكەی خودارێنماییمان دەكات بۆ ئەوەی كە هەموو نیازو ئامانج‌و ئاواتێكمان لەو ماڵاو سامانەی خودا پێمان دەبەخشێت‌و لەو هەموو نازو نیعمەتە جۆربەجۆرانەی پێ‌ی گەیاندووین تەنها هەوڵا دان بۆ رۆژی

دوایی بێت‌و، هەموو ئەو نیعمەتانەش ئاراستەی رۆژی دوایی بكەن‌و بیانكەن بەو ئامرازانەی كە سەركەوتن‌و بەختیاریی رۆژی دوایی پێ‌ بەدەست دێنین. ئەم نیعمەتانەش –لەنێوانیاندا ماڵاو سامان- خۆی لەخۆیدا نیازێك نین‌و، ئامرازێكی ژیانی دنیاش بەتەنها نین، بەڵكو هەموو ئەو نیعمەتانەی ئامرازی رزگاری‌و بەختیاریی رۆژی دوایین، خاوەنەكەشیان دەبێت بەچاكی بیانخاتە گەڕ بۆ بەدیهێنانی ئەو نیازە، هەروەها دەبێت لەهەر دانەیەكیان‌و لەهەر گەردیلەیەك لە گەردیلەكانیدا ئەو واتا قورئانی یە‌و ئەو رێسا راست‌و ڕەوانە بەدی بهێنێت. لەوانەشە هەندێك كەس بەهەڵە لەم رستەیەی ئایەتەكە تێ‌ بگات، بەتایبەتیش لەكاتێكدا دەیگەیەنێت بەو رستەیەی دواوەی : (ولاتنس نصیبك من الدنیا)‌و هەروەها لەم دوو رستەیەوە نیعمەتەكان –بەتایبەتیش ماڵاو سامان- دەكەنە دوو بەش:-

بەشی یەكەم/ زۆربەی نیعمەتەكان بۆ بەدەست هێنانی پاداشتی رۆژی دوایی بەكاردێنێت.
بەشی دووەم/ هەندێك لە نیعمەتەكان بۆ بەكارهێنانی بەشی خۆی لەدنیادا تەرخان دەكات.
ئەم شێوە دابەشكردنەش لەگەڵا ئاراستەی رستەی یەكەم دا ناگونجێت، چونكە رستەی یەكەم داوای ئەوەمان لێ دەكات، كە هەموو ئەو نیعمەتانەی خودا لە دنیادا پێ‌ی بەخشیوین (بەبێ‌ جیاكردنەوەی هیچ بڕو بەشێكیان) بۆ پاداشتی رۆژی دوایی تەرخان بكەین، هەر ئەمەش لە وشەكانی سەرەتای ئایەتەكەدا بەدی دەكرێت، واتە بەشێوەیەكی گشتی‌و سەرتاپاگیر هەرچی خودا پێ‌ی داویت ئامانجی رۆژی دواییان پێ‌ بخوازە.
جا ئایا نیعمەتەكان ئامرازێكی بەختیاری‌و خۆشگوزەرانی نین؟ ئایا ماڵاو سامان ئامرازێكی كاركردن‌و پەیداكردن‌و ژیانی خۆش‌و ڕابواردن نین؟ ئەی كەی مرۆڤ خۆشگوزەرانی‌و بەختیاری‌و كامەرانی بەدی دێنێت؟ ئایا لەدنیادا ئەم واتاو مانایانە بەدی دێنێت‌و دەسكەوتە دنیایییەكانیشی بەردەوام نەبڕاوە دەبن؟.
بەڕاستی هەرچی لە دنیادایە كاتی‌و سنووردارو بڕاوەیەو، خەم‌و پەژارەشیان تێكەڵە.. ئەو چەمك‌و واتا جوانانەش كە داواكراوو بەئاوات خوازراون، هەرگیز بەچاكترین‌و تەواوترین‌و جوانترین شێوەو حاڵەتی خۆیان بەدی نایەن، تەنها لە خانەی پڕ نیعمەتەكانی بەهەشت دا نەبێت. هەر بۆیەش ئیمانداری ژیرو زیرەك، كە خودا رێنموونیی بۆ پەی بردن بەم راستییە كردووە، هەوڵی بۆ دەدات لە رێ‌ی بەگەڕخستنی گشت نیعمەتەكانی خوداوە، بۆ بەدیهێنانی ئەو خواستە باڵاو پیرۆزانە.. كەواتە لە هەموو نیعمەتەكانی خودای پەروەردگاردا، هەوڵا بۆ ئەو ئامانجە بنەڕەتییانەی خانەی ڕۆژی دوایی دەدات:
هەموو مافەکانی پارێزراون بۆ ماڵپەری قورئانی پیرۆز