ماڵپەری قورئانی پیرۆز

١- (وَإِذْ بَوَّأْنَا لِإِبْرَاهِيمَ مَكَانَ الْبَيْتِ أَن لَّا تُشْڕكْ بِي شَيْئًا وَطَهِّرْ بَيْتِيَ لِلطَّائِفِينَ وَالْقَائِمِينَ وَالرُّكَّعِ السُّجُودِ) الحج اية ٢٦  يەكەم قۆناغ كه گرنگه تێى بگەين ئەوەيه كه خواى گەوره خۆى ئەو شوێنەى بۆ ابراهيم دياريكردووه كه ببێته ماڵی خوا ( کەعبە) ئينجا پاك كردنەوەى ئەم شوێنه

بۆ ئەوانەى طواف دەکەن و دەسوڕێنەوه به دەورى كەعبه ، وه تێيدا دەمێننەوه واعتكاف دەکەن بۆ خواپەرستى هەروەها بۆ ئەوانەى كرنۆش دەبەن و سوژده دەبەن.

٢-( وَإِذْ يَرْفَعُ إِبْرَاهِيمُ الْقَوَاعِدَ مِنَ الْبَيْتِ وَإِسْمَاعِيلُ رَبَّنَا تَقَبَّلْ مِنَّا إِنَّكَ أَنتَ السَّمِيعُ الْعَلِيمُ) البقرة ١٢٧.

قۆناغى دووەم بريتييه له بەرز كردنەوەى پایەكانى كەعبه لەلايەن ابراهيم وإسماعيل عليهما السلام ، سەرنج بدەن له كاتى كاركردن دوعا دەکەن كە خودا لێيان قبول بكات نەك دواى تەواو بوونى !! ئينجا دەڵێن وتب علينا انك انت التواب الرحيم وەك ئەوەى كە گوناهێكيان ئەنجام دابێت تۆبه دەکەن له كاتێكدا گەورەترين كاريان بۆ خودا كردووه !!

٣-( وَأَذِّن فِي النَّاسِ بِالْحَجِّ يَأْتُوكَ ڕجَالًا وَعَلَىٰ كُلِّ ضَامِرٍ يَأْتِينَ مِن كُلِّ فَجٍّ عَمِيقٍ) الحج  اية ٢٧

دواى تەواو بوونى كەعبه بانگى خەڵكى كرد تاكو بێن بۆ حەجى ماڵی خوا خەڵكيش تاكو ئێستا وەڵامى ئەم بانگه دەدەنەوه و به پياده  يان به سوارى و له هەموو ڕێگەیەكى دوورەوه دێن بۆ حەج.

٤-( وَإِذْ جَعَلْنَا الْبَيْتَ مَثَابَةً لِّلنَّاسِ وَأَمْنًا وَاتَّخِذُوا مِن مَّقَامِ إِبْرَاهِيمَ مُصَلًّى ) البقرة ١٢٥

كەعبه كراوه به جێگەى كۆبوونەوەى خەڵكى كه به هێمنی و ئاسودەیی لەوێ بە یەك دەگەن ، ئێوەش مقام ابراهيم كه جێگەى تايبەتى خواپەرستنى ابراهيم بووه بكەنه جێگاى نوێژ و خواپەرستى.

موسڵمانانيش دواى تەواو بوونى طواف دەچن نوێژى سوننەت ئەنجام دەدەن له مقام ابراهيم .

٥-ولله على الناس حج البيت لمن استطاع اليه سبيلا

خوايه گيان حەج و عومره و پەرستشەکان له هەموومان قبول بكەيت امين

14