ماڵپەری قورئانی پیرۆز

نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ ... چونكه‌ قوڕه‌یش پاش كۆچی موسڵمانه‌كان بۆ (حه‌به‌شه‌) له‌ هه‌وڵدانی خۆی نه‌كه‌وتبوو و، هیچ له‌ رق و كینه‌ی كه‌می نه‌كردبوو، به‌ڵكو ده‌ترسا

له‌وه‌ی كه‌ له‌وێ‌ به‌هێز ببن و، ژماره‌یان زیاد بكات و، خۆ گه‌ر ده‌رفه‌تی زۆربوون و به‌هێزبوونیشیان بۆ نه‌ڕه‌خسێت، ئه‌وا لوت به‌رزیان ئه‌وه‌ی به‌سه‌ر شۆڕی ده‌زانی كه‌ ئه‌وانه‌ له‌ژێر باری ئه‌شكه‌نجه‌ و، ئازاری ئه‌مان ده‌ربچن و..له‌وێ‌ له‌ شوێنی كۆچ بۆ كردوویاندا به‌ هیوایه‌كی گه‌وره‌ و دڵی پێغه‌مبه‌ر (درودی خوای لەسەر بێ) بۆی بهه‌ژێت و، سنگی ئیسلامی پێ‌ فراوان بێت..ئالێره‌وه‌ سه‌ركرده‌كانیان بڕیاریان دا كه‌ دوو نێردراو به‌دیاری پڕ به‌هاوه‌ ره‌وانه‌ی لای (نه‌جاشی) بكه‌ن و، تكای خۆیانیان پێ‌ بگه‌یه‌نن به‌ڵكو ئه‌و كه‌سانه‌ی به‌ئاواره‌یی و په‌ناهێنده‌ی هاتوونه‌ته‌ لایان له‌و وڵاته‌ ده‌ریان بكه‌ن..