ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
( جه‌عفه‌ری كوڕی ئه‌بوطالب ) شێوه‌و ڕه‌وشتی له من ده‌چێت ..(بەشی سێ یەم)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ ... هه‌ردوو نێردراوه‌كه گه‌یشتنه (حه‌به‌شه) و كۆڵ و باریان لێ خست و، چاویان به‌هه‌موو گه‌وره پیاوانی رۆحانیان كه‌وت و، ئه‌و دیاریانه‌ی
هێنابوویان پێیان به‌خشین.. پاشان دیارییه‌كانی (نه‌جاشی)ان نارد.به‌رده‌وام ده‌روونی (قه‌شه و به‌تریكه‌كان)یان له‌دژی موسڵمانه‌كان پڕ ده‌كرد له رق و، ده‌یانكرده پاڵپشت تا (نه‌جاشی) والێ بكه‌ن كه له‌وڵاته‌كه‌یان وه‌ده‌ریان نێ.رۆژی دیداری (نه‌جاشی) دیاریكرا، كه له‌به‌رده‌میدا رووبه‌رووی ركابه‌ره قوڕه‌یشیه‌كانیان ده‌بنه‌وه كه هه‌رده‌م به‌فرت و فێڵ و ئازاریانه‌وه به‌شوێنیانه‌وه‌ن.به‌ویقارێكی زۆر و، بێ فیزییه‌كی پایه بڵنده‌وه، (نه‌جاشی) له‌سه‌ر كورسیه به‌رزه‌كه‌ی دانیشت و، ئه‌سقه‌ف و پیاوانی كاربه‌ده‌ستی له ده‌وری بوون و، به‌رامبه‌ریشی موسڵمانانی موهاجیر به‌شێوه‌یه‌كی رێك و پێك دانیشتن، سه‌بووری خودا دایگرتبوون و، له سێبه‌ری به‌زه‌یشیدا بوون، هه‌ردوو نێردراوی قوڕه‌یشیش راوه‌ستان و هه‌مان ئه‌و تۆمه‌ته‌یان دووباره كرده‌وه كه پێش ماوه‌یه‌ك له‌م دیداره به‌رفراوانه گه‌وره‌یه له چاو پێكه‌وتنێكی تایبه‌تدا به(نه‌جاشی)یان راگه‌یاند بوو!