ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
بێگومان خودا بەدكارو تێكدەرانی خۆش ناوێت..چيرۆكه قورئانيه‌كان
نووسينى /د.صلاح عبدالفتاح الخالدى //نووسينگه‌ى تفسير///بەڕاستی ئەم رێسایەش ڕاستییەكی هەمیشەیی‌و ڕەگ داكوتاو دەردەخات، كە لە هەموو زەمان‌و كات‌و شوێنێكدا هەیەو لەهیچ ئان‌و سەردەمێكدا جیاوازیی لێ پەیدا نەبووە.. بێگومان خودا فاسیدو بەدكارانی خۆش ناوێت.
. ئەم جۆرە كەسانەی خۆش ناوێت، چونكە لەزەویدا خراپەو تاوان دەكەن‌و، جاڕدەری خراپەو ستەم‌و بەدڕەفتاریین.. بەڵكو خودا چاكسازانی خۆش دەوێت، كە بانگەوازكاری چاكەو دادپەروەری‌و جوامێریین.
خودا بۆیە فاسیدو تاوانكارانی خۆش ناوێت، چونكە ئازاری خەڵكی دەدەن، دیارە خودا كەسانێكی خۆش دەوێت كەسوود بەخەڵكی دەگەیەنن. جا ئەگەر مرۆڤێك بەختەوەر نەبێت بە خۆشەویستیی خودا چیی بۆ دەمێنێت؟ ئەگەر مرۆڤ خۆشەویستیی خودای لەكیس بچێت، كێ سوودێكی پێ دەگەیەنێت؟ ئەی ئەگەر خودا رقی لە مرۆڤێك هەڵگرت‌و سزای خۆی پێ گەیاند، ئایا كەس هەیە سەرخەرو یاریدەدەری ئەو مرۆڤە بێت؟
بێگومان ئەو كەسەی خۆشەویستی خودای لەدەست داوە هەموو شتێكی دۆڕاندووە، ئەو كەسەش، كە خۆشەویستی خودای دەستگیر بووە، هەموو شتێكی بردۆتەوە.
دەبا بەو سیفەتە جوانانە، خۆمان رەوشتمەند بكەین، كە خودا پێیان خۆشە، با لەو سیفەتە ناشیرینانەش دووركەوینەوە، كە خودا پێ‌ی ناخۆشە.. تاكو خۆشەویستی خودا دەستەبەر بكەین.