ماڵپەری قورئانی پیرۆز

ئەوان قارونیان بەخاوەنی بەش‌و شانسێكی گەورە داناوە تەنها بەهۆی ئارایشتی ژیانی دنیاو موڵك‌و ماڵیەوە، چونكە لەلای ئەوان پێوەری بەخت‌و شانس زۆریی موڵك ماڵە. 

خۆ ئەگەر وەك قارون خوازیاری ژیانی دنیا بوونایە ئەوا بەو نە دەخەڵەتان‌و، بەو خۆڕازاندنەوەیەی گرفتار (مفتون) نەدەبوون‌و بەخت‌و شانسی گەورەیان بەزۆریی ماڵاو سامان‌و كەشخەیی‌و كەل‌وپەلی بریق‌و باقی دنیا دانەدەنا. ڕازو نهێنی هەڵخەڵەتانیان ئەوەیە:  قورئانیش كاتێك سیفەتی ئەو هەڵخەڵەتاوانەمان بۆ باس دەكات، داوامان لێ دەكات كە نابێت ئێمەش هەمان سیفەتی ئەوان لەخۆ بگرین‌و، نابێت وەك ئەوان بەدیاردە پووچەڵا‌و ساختەكانی دنیا بخەڵەتێین‌و، نابێت وەك ئەوان ئاخ‌و داخ بۆ ئەو دیاردەو ڕواڵەتە سەرنج راكێشانە هەڵكێشین.. هەروەها قورئان داوامان لێ دەكات كە خوازیاری ژیانی دنیا نەبین، بەڵكو خۆمان لەسەروویەوە بگرین‌و تەنها خوازیاری رۆژی دوایی‌و بەهەشتی خودا بین‌و هەوڵی تەواویشی لەدنیادا بۆ بدەین.

بەراستی‌و بێ‌ هیچ گومانێك فەرمایشتەكەی خودا زۆر ڕاست‌و ڕەوانە، چونكە هەر كەسێك ژیانی دنیای ویستبێت‌و ژیانی رۆژی دوایی لەبیر چووبێتەوەو، تەقەللای زۆركردنی دیاردەو ڕواڵەتە جوانكارییەكانی دنیای دابێت‌و بەختەوەریی زۆرو بەختی گەورەی بەزۆركردنی ئەو دیاردانە لەقەڵەم دابێت‌و، خۆیشی لەگەڵا ئەو كەسانە بەراورد كردبێت، كە خاوەنی موڵك‌و دارایین، ئەوا هەر خەمبارو دڵتەنگ‌و ئاخ هەڵكێش بووەو، بەوپەڕی جۆش‌و پەلەقاژەو حەسرەت‌و شەوقەوە ئاواتەخوازی ئەوەبووە هەمان موڵك‌و دارایی‌و كەرەسی دنیایی هەبێت.

بەڵام ئەو كەسەی ڕۆژی دواییی خواستووەو، داوای نیعمەتە بەردەوامەكەی كردووەو، خوازیاری خۆشی‌و خێروبێرەكانی بووەو، نرخی ژیانی دنیاو كەرەسەو دارایییەكانی زانیوە، ئەوا هەرگیز لەخشتە نابرێت بەو موڵكەی كە موڵكداران لەدنیادا هەیانەو، ئاواتەخوازی موڵكەكەیان نییەو، بەحەسرەت‌و پەلەقاژەشەوە خۆی بۆ ناتوێنێتەوە، بەڵكو خۆی لەسەروو ئەو دیاردەو كەرەسە بێ‌ نرخ‌و بێ‌ بەهایانەوە دادەنێت.

خودای پەروەردگار لەدیارترین‌و رۆشنترین رێنمایییدا فەرموویەتی: 

واتە: (چاك بزانن كە ژیانی دنیا تەنیا یاری‌و گەمەو رازاندنەوەو خۆ نواندن‌و بەخۆنازینی نێوان خۆتان‌و، زۆركردنی ماڵاو سامان‌و مناڵانە، وەك بارانێكی بەپیت كە ببێتە هۆی بەرهەمێكی زۆرو جوتیاران سەرسام كات‌و پاشان وشك ببێت‌و زەرد هەڵگەڕێت‌و، دواتریش وردوخاش بێت، بێگومان لە ڕۆژی دواییدا سزای سەخت‌و دژوار بۆ دنیا پەرستانەو، لێخۆشبوون‌و ڕەزامەندیی خوداش بۆ ئیماندارانی دنیا نەویستە.. بێگومان ژیانی دنیاش (بەبێ‌ خواپەرستی‌و باوەڕدارێتی) جگە لەوەی ڕابواردنێكی كەم‌و هۆی هەڵخەڵەتانەو چەندان كەسی پێ‌ لەخشتە دەبرێت، هیچی تر نییە.. كەواتە ئەی ئیمانداران پێشبڕكێ‌ بكەن بۆ بەدەست هێنانی ڕەزامەندی‌و لێخۆشبوونێك، كە لە خودای پەروەردگارتانەوە دەست دەكەوێت‌و، بۆ بەدەست هێنانی بەهەشتێك، كە ڕووبەرەكەی وەك پانتاییی ئاسمان‌و زەوییەو بۆ ئەو كەسانە ئامادەكراوە، كە باوەڕیان بەخودا‌و پێغەمبەرانی هێناوەو كرداری چاكیان كردووە. ئەمەش رێزێكی تایبەتییە لەلایەن خوداوە، كە بەخواستی خۆی دەیكاتە خەڵاتی هەر كەسێك لەوانەی شایستەین، خودا هەر خۆیشی خاوەنی فەزڵاو بەخششی زۆر گەورەو نەبڕاوەیە).