ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئاژەڵانیش وەك مرۆڤ گەل و نەتەوەی جیاوازیان هەیە..له‌قورئاندا
نووسينى/سه‌روه‌ر حسن //نووسينگه‌ى ته‌فسير ///خوای گەورە دەفەرموێت:{وَمَا مِنْ دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُمْ مَا فَرَّطْنَا فِي الْكِتَابِ مِنْ شَيْءٍ ثُمَّ إِلَى رَبِّهِمْ يُحْشَرُونَ (38)} [الأنعام]، واتە: هیچ زیندەوەر و گیانلەبەرێك نییە
بەسەر زەویدا بڕوات و هیچ باڵندەیەك بە باڵەكانی بفڕێت و ئەوانیش ئوممەت و گەلێك نەبن وەك ئێوە.
ئایەتەكە ئاماژە بەوە دەدات كە ئاژەڵانیش گەل و كۆمەڵی جیاوازیان هەیە، هەر گروپ و كۆمەڵێك زمانێكی تایبەتی لێك تێگەیشتنیان هەیە. پێشتر خەڵك بڕوایان وابووە ئاژەڵان تەنها بوونەوەرگەلێكی زیندوون، دەخۆن و دەخۆنەوە، بەڵام بەبێ ژیری و بەبێ ڕێكخستنی كاروباریان.
وشەی (دابّە) لە ئایەتەكەدا سەرجەم زیندەوەران دەگرێتەوە كە لە ئاودا دەژین، وەك ماسی و خشۆك و مێرووەكان، هەروەها باڵندەكانیش بەتایبەت تر، لەگەڵ ئەوەی كە زیاتر لە دوو ملیۆن پۆلی ئاژەڵان لەسەر زەوی هەیە... زانایان لێكۆڵینەوەیان لەسەر ڕەفتاری ئاژەڵان كردووە و بوونی خێزان و كۆمەڵی ڕاستەقینەی ئاژەڵانیان ئاشكراكردووە، گەورەترین بەڵگەش لەسەر ئەوە بوونی كۆمەڵەی مێرووەكانە.
هەر نەتەوەیەك ڕزق و سروشتی تایبەتی ژیانیان هەیە جیاواز لە نەتەوەكانی تر، وێڕای ئەوەش ئەو نەتەوانە لەگەڵ یەكتریدا دەژین بێئەوەی دەستدرێژی بكەنە سەر یەكتر. هەر تاكێك لەو نەتەوانە ڕزق و تەمەنی دیاریكراوی هەیە، گەر تەمەنی مێش لەبری چەند هەفتەیەك چەند ساڵێك بوایە، ئەم نەتەوەیە دەریا و وشكانی و كەشیان داگیر دەكرد و لەگەڵیدا ژیان نەدەما!
گەر ژمارەی باڵندەكان كەم بكات (لە ژمارەی ئێستا)، ژمارەی مێرووەكان زیاد دەبێت و ئەوەش دەبێتەهۆی خواردنی سەرجەم ڕووەكەكان و لەناوچوونی كێڵگەكان و دوابەدوای ئەوەش نەمان و تیاچوونی ژیانی سەر زەوی.
گەر ژمارەی مارەكان كەم بكات، ژمارەی مشك زیاددەبێت و بەوەش بەروبوومی كشتوكاڵی لەناودەچێت... بۆیە هەر نەتەوەیەك قەبارە و ژمارەیەكی حسابكراوی هەیە لای خوای مەزن، تاكو هاوسەنگی بەردەوام بێت.
یەكێك لەو مەسەلانەی گرنگە لێرەدا بە كورتی لێی بدوێین ڕۆژووە لای ئاژەڵان:
1. دووپشك دەتوانێت سێ ساڵی دوابەدواییەك هیچ نەخوات.
2. بۆقەكان دەتوانن یەك ساڵی تەواو بەڕۆژوو بن.
3. مێشوولە دەتوانێت ماوەی 35كاتژمێر بەبێ خواردن هەڵبكات.
4. تیمساح لەتوانایدا هەیە دوو ساڵ ئاو نەخواتەوە، كۆرپەكەشی دەتوانێت هەشت مانگ ئەوە بكات.
5. جاڵجاڵۆكەی تونێلی (نفقی) بەوە ناسراوە كە زۆربەی ژیانی بەبێ خواردن بەڕێ دەكات؟! بەشێوەیەك كە كۆی تەمەنی (305رۆژ)ـە دەتوانێت (208) ڕۆژیان بەبێ خواردن بژی، لەو ماوەیەشدا ڕێژەی چالاكییەكانی لەشی (میتابۆلیزم) بۆ (40/1)ی ئاستە بنەڕەتییەكەی دادەبەزێت.
6. وشتر دەتوانێت مانگێكی تەواو بەبێ خۆراك و دوو هەفتە بەبێ خواردنەوەی ئاو بژی.