ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
دیمه‌نه‌کانى قورئان.. (٩١) خواى گه‌وره به‌رده‌وام موعجیزاتى ئه‌م قورئانه ده‌رده‌خات ..
٧-چوارده سه‌ده‌یه خوا په‌یمانى داوه که ئه‌م ئایینه سه‌ربخات به‌سه‌ر هه‌موو به‌رنامه‌و رێبازه‌کانى تردا
{هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَڕهَ الْمُشْڕكُونَ }الصف٩
ئه‌مڕۆ له هه‌مووکات زیاتر موعجیزه‌ى ئه‌م په‌یمانه ده‌بینین ،ئافره‌تێکى راهیبه حه‌زره‌تى (عیسا) (سه‌لامى خواى لێبێت) ده‌چێته خه‌ویه‌وه‌و فه‌رمانى پێئه‌دات که‌موسڵمان بێت ،که‌ئه‌مه‌ش به‌ده‌نگ و ره‌نگ هه‌یه له یوتیوب دا که ئه‌و راهیبه‌یه باسى موسڵمانبوونى خۆى ده‌کات .
هه‌روه‌هابه‌ڕێوه‌به‌رى کۆلێژى پاشایه‌تى مه‌شقى فڕۆکه‌وانى سه‌ربازى به‌ریتانى پڕۆفیسۆر (جۆیل هایۆرد) که له ساڵى ١٩٦٤ له‌دایک بووه‌و له ٢٠٠٧ -٢٠١١ له‌و پۆسته‌دا بووه موسڵمان بوو ،ناوبراو نووسه‌رێکى چالاکه‌و زیاتر له بیست په‌ڕاوى نووسیوه‌و له‌دواى موسڵمانبوونیشیه‌وه چه‌ند په‌ڕاوێکى له‌سه‌ر ئیسلام نووسیوه‌و وه‌ڵامى زۆر پرسیارى ده‌رباره‌ى ئیسلام داوه‌ته‌وه .
لاوانى موسڵمانى به‌ریتانیا بڕیاریان دا که هه‌ستن به هه‌ڵمه‌تى پاکردنه‌وه‌ى به‌فرى به‌ر ماڵان سابه‌ڵکو له‌و رێگایه‌وه خه‌ڵکى بانگ بکه‌ن بۆ ئیسلام.
له مزگه‌وتێکى تورکیا ئه‌و مناڵانه‌ى ١٨٠ نوێژئاماده‌ى نوێژى مزگه‌وت ببن ئایپادێکیان به‌دیارى ئه‌ده‌نێ.
(عبد الواحید پیره‌سن) بانگخوازى ئیسلامى دانیمارکى ده‌ڵێت: ساڵى ١٩٨٥که من موسڵمان بووم ده پانزه موسڵمانى دانیمارکى هه‌بوون ، ئێستا هه‌فتانه ده پانزه که‌س له نووسینگه‌که‌ى من موسڵمان ده‌بن . (دیمه‌نه‌کانى قورئان / ئه‌ندازیار عوسمان).