ماڵپەری قورئانی پیرۆز

عه‌مرى کوڕى پابت پیاوێکى نه‌وه‌ى (عبدالاشهل) بوو ناسرابوو به‌(ئةصيرةم) ئه‌م پیاوه‌ هه‌ر که‌سێک داواى  موسوڵمان بوون وقبوڵ کردنى ئیسلامى لێده‌کرد, ئه‌و به‌ر په‌چى ده‌دایه‌وه‌ و ئاماده‌ نه‌بوو بێته‌ ناو ئیسلام ,له‌کاتى غه‌زاى  ئوحود دا له‌ بڕیارێکى کتوپڕدا شمشێره‌که‌ى

هه‌ڵگرت و چووه‌ سه‌نگه‌رى موسوڵمانان و له‌گه‌ڵ بێ باوه‌ڕاندا که‌وته‌ جه‌نگ،زۆر مه‌ردانه‌ کوشتارێکى گه‌وره‌ى ئه‌نجامدا،تا سه‌ره‌نجام له‌ چه‌ند شوێنێکه‌وه‌ به‌سه‌ختى بریندار کراو که‌وته‌ سه‌ر زه‌وى .له‌ کۆتایى جه‌نگه‌که‌دا پیاوانى نه‌وه‌ى (عبد الاشهل) که‌وتنه‌ گه‌ڕان به‌ شوێن کوژراوه‌کانیاندا بینیان وا (ئةصيرةم) له‌ پێش ده‌میاندایه‌ و به‌سه‌ختى بریندار بووه‌, له‌م دیمه‌نه‌ سه‌رسام بوون,چونکه‌ ئه‌وان پێش جه‌نگه‌که‌ که‌ به‌جێیان هێشت موسوڵمان     نه‌بوو بوو وه‌ئاماده‌ش نه‌بوو,بۆیه‌ لێیان پرسى: ئایا بۆ به‌رگری هۆزه‌که‌ت  ئه‌م کاره‌ت     کردووه‌ یان  به‌ هۆى هاتنه‌ ناو  ئیسلام و موسوڵمان بووینه‌وه‌؟ وتى: به‌ڵکو حه‌زم  به‌ناو ئیسلام  کردو باوه‌ڕ به‌خواو پێغه‌مبه‌ره‌که‌ى کردو ته‌سلیم بووم ,پاشان شمشێره‌که‌م هه‌لگرت و  له‌ خزمه‌تى پێغه‌مبه‌رى خوادا که‌وتمه‌ جه‌نگ هه‌تا به‌و شێوه‌م لێهات که‌ ده‌بینن,پاش  که‌مێک له‌به‌ر ده‌ستیاندا گیانى سپارد,کاتێ گه‌ڕانه‌وه‌ ئه‌و باسه‌یان بۆ پێغه‌مبه‌ر گێڕایه‌وه‌, ئه‌ویش فه‌رمووى: به‌دڵنیاییه‌وه‌ ئه‌و ئه‌هلى به‌هه‌شته‌.