ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌و هه‌لآنه‌ى په‌یوه‌ندیان به ده‌ستنوێژه‌وه هه‌یه. (١٦) وازهێنان له ده‌ستنوێژ دواى خواردنى گۆشتى وشتر:
وه‌رگێڕانى : ناصح ئیبراهیم سازانى /له جابری کوڕی سه‌موره‌وه هاتووه ده‌فه‌رموێت: (أَنَّ رَجُلاً سَأَلَ رَسُولَ اللَّهِ صلى الله عليه وسلم أَأَتَوَضَّأُ مِنْ لُحُومِ الْغَنَمِ؟ قَالَ: إِنْ شِئْتَ فَتَوَضَّأْ وَإِنْ شِئْتَ فَلاَ تَوَضَّأْ. قَالَ:
أَتَوَضَّأُ مِنْ لُحُومِ الإِبِلِ؟ قَالَ: نَعَمْ فَتَوَضَّأْ مِنْ لُحُومِ الإِبِلِ. قَالَ أُصَلِّى فِى مَرَابِضِ الْغَنَمِ؟ قَالَ: نَعَمْ. قَالَ: أُصَلِّى فِى مَبَاڕكِ الإِبِلِ؟ قَالَ: لاَ) . واته: پیاوێک پرسی له پێغه‌مبه‌ر( صلى الله علیه وسلم) ئایا ده‌ستنوێژ بگرمه‌وه له خواردنى گۆشتى مه‌ڕ؟ فه‌رمووى: ئاره‌زووى خۆته ئه‌گه‌ر ویستت ده‌ستنوێژ بگره, ئه‌گه‌ر ویستیشت مه‌یگره. وتى: ئه‌ى ده‌ستنوێژ بگرم له گۆشتى وشتر؟ فه‌رمووى: به‌ڵێ, له گۆشتى وشتر ده‌ستنوێژ بگره‌وه. وتى: نوێژ بکه‌م له مۆڵگه یان په‌چه‌ى مه‌ڕدا؟ فه‌رمووى: به‌ڵێ. وتى: نوێژ بکه‌م له مۆڵگه‌ى وشتردا؟ فه‌رمووى: نه‌خێر. زانایان رایان جیاوازه له‌سه‌ر ئه‌حکامه‌کانى خواردنى گۆشتى وشتر, زۆربه‌یان رایان وایه ده‌ستنوێژ پوچه‌ڵ ناکاته‌وه... له‌وانه چوار خه‌لیفه راشیده‌کان (ئه‌بو به‌کر) و (عومه‌ر) و (عوسمان) و (عه‌لی) ره‌زاى خوایان لێ بێ, وه (ئیبن مه‌سعود) و (ئوبه‌ى کوڕی که‌عب) و (ئیبن عه‌باس) و (أبو درداء) و (أبو طلحة) و (عامرى کوڕی ره‌بیعه) و (ئه‌بو ئومامه), وه جه‌ماوه‌رى شوێنکه‌وتووان و (مالیک) و (ئه‌بو حه‌نیفه) و (شافیعى) و هه‌وه‌لآنیان.ئه‌وانه‌ى رایان وایه که ده‌ستنوێژ پوچه‌ڵ ده‌کاته‌وه: (ئه‌حمه‌دى کوڕی حه‌نبه‌ل و ئیسحاقی کوڕی راهویه و یه‌حیاى کوڕی یه‌حیا و ئه‌بو به‌کرى کوڕی منژر و ئیبن خوزه‌یمه ئه‌مه‌ش هه‌ڵبژارده‌ى ئه‌بو به‌کرى به‌یهه‌قی یه, له فه‌رموده‌ناسانه‌وه گێڕاویانه‌ته‌وه به گشتى, وه له کۆمه‌ڵێک له هه‌وه‌لآنی پێغه‌مبه‌ره‌وه (صلى الله علیه وسلم) گێڕاویانه‌ته‌وه ره‌زاى خوا له هه‌موویان بێ فه‌رموده‌ى باسه‌که‌یان کردووه به به‌ڵگه بۆ خۆیان که ده‌فه‌رموێت: (نَعَمْ فَتَوَضَّأْ مِنْ لُحُومِ الإِبِلِ). واته: به‌ڵێ, ده‌ستنوێژ بگره له گۆشتى وشتر.