ماڵپەری قورئانی پیرۆز

نووسینی /م.عادل كریم /ئامادەكردنی // نەجات رواندزی/// هەموو ووڵاتێك  لە کۆن و نوێ ڕۆژێکی هەیە كۆبوونەوەى گشتى تێدا دەكرێ جا بە ناوى ڕۆژى دامەزراندن بێت یان ڕزگاركردنى ووڵات بێت يا بە هەر ناوێكى تر، ئەوەتا فيرعەون لە ( يوم الزينة)

خەڵك كۆ دەكاتەوە و قەومى ابراهيم عليه السلام لە ڕۆژێك هەموو دەچنە دەرەوەى شار بۆ کۆبوونەوە و خۆشه دەربڕين.

ڕۆژى ( عرفة) لە هەموو ڕۆژەكانى تر جياوازە ، ڕۆژى معرفة و ناسينى خوایە کە چەند نزيکە لە بەندەكانى ، ڕۆژى معرفة و ناسينى خۆتە كە چەند دوور بوويت لە خوا و پانۆراماى كردارەكانت دێتەوە پێش چاو کە چەند تاوانت تێدا تۆمار كردووە، ڕۆژى معرفة و يەكتر ناسينى ئەم هەموو گەلانەى سەر زەوییە كە لەم کۆبوونەوە ساڵانەیە بەشداريان كردووە !

ڕۆژى ( عرفة)  ئەم ڕۆژەیە كە خواى گەورە بە فريشتەكانى دەڵێت بزانە بەندەكانى من چى دەكەن ؟ پێشتر فريشتەكان لە كاتى خلق بوونى ادم بە سەرسوڕمانەوە دەيانووت ( أتجعل فيها من يفسد فيها ويسفك الدماء) خواى گەورە وەڵامى دانەوە ( اني اعلم ما لاتعلمون) ئەوەتا ئەو ڕۆژە بە دەردەکەوێت كە ئەم مرۆڤانەش فريشتە ئاسا لەم شوێنە ووشك و گەرمە كۆبونەتەوە دوور لە ووڵات و كەس و كار و ماڵ و منداڵ لە پێناوى سەلماندنى بەندايەتى بۆ خوا دەم بە دوعا و چاو بە فرمێسك هەریەك بە زمانى دڵ و زمانى زگماكى خۆى هاوار گريانیەتى و ئارەق و فرمێسكى تێكەڵ یەك بووە ، دەڵێی ڕۆژى مەحشەرە چاوەڕوانى ( عفو عام) دەكەن لە دادگاى خوا بۆيان دەربكرى، بێ گومان ئەم بڕيارەش دەردەكرێت هەر چى ئامادەى ئەم کەرنەڤاڵە بووە ئەم لێخۆشبوونە بەرى دەکەوێت و خواى گەورە خوایەتى و پەروەردگاريتى خۆى دەسەلمێنێ ناوە جوانەكانى خۆى لە الرحمن و الرحيم و الودود والرؤوف والعفو والغفار و الغفور و غافر الذنب زۆرى تريش لەم ڕۆژە بەسەر بەندەكانى خۆى دەبەخشێتەوە و دەدرەوشێنێتەوە و كەس ناگزور ناكات و بە دەستى خاڵى ڕەوان ناكاتەوە ، خوايە ئێمەش كە لەوێ نين بەڵام بە دڵ و بە گيان و زمانى بە ڕۆژوو هەمان لێخۆشبوون بمانگرێتەوە ان شاءالله امين.