ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
گـه‌وره‌ترین نیـعمـه‌ت
ئه‌ندازیار عوسمان......(وَلَقَدْ صَرَّفْنَا لِلنَّاسِ فِي هَـذَا الْقُرْآنِ مِن كُلِّ مَثَلٍ فَأَبَى أَكْثَرُ النَّاسِ إِلاَّ كُفُوراً) الإسراو٨٩(وَنزَّلْنَا عَلَيْكَ الْكِتَابَ تِبْيَاناً لِّكُلِّ شَيْءٍ وَهُدًى وَرَحْمَةً وَبُشْرَى لِلْمُسْلِمِينَ)النحل٨٩- خواى گه‌وره ئه‌م قورئانه‌ى ناردووه که قه‌واعید و یاساو رێساى تیایه بۆ ژیانێکى کامه‌ران له‌م دنیایه‌دا، ده‌توانى بیربکه‌یته‌وه و ده ئایه‌تم بۆ بنوسی که ژیانتی گۆڕیبێ ؟ ئه‌وه‌نده ابن عباس سوودى له‌م ئایه‌تانه بینی، قورئان بوو بووه په‌یڕه‌و و پرۆگرامى ژیانى و چاره‌سه‌رى هه‌موو کێشه‌کانى له قورئاندا ئه‌دۆزیه‌وه، رۆژێک له‌به‌رده‌م هاوه‌ڵاندا سوێندى خوارد ئه‌گه‌ر گوریسى حوشتره‌که‌ى لێ ون ببێت له قورئاندا ئه‌یدۆزێته‌وه.
دکتۆر عبدالمحسن الاحمد ده‌ڵێت: هه‌رگیز باوکمم نه‌بینیوه دوو ئایه‌ت به‌سه‌ر یه‌که‌وه بخوینێته‌وه، کاتێ قورئانى ده‌خوێند له‌سه‌ر هه‌موو ئایه‌تێک ده‌وه‌ستاو بیرى لێده‌کرده‌و شوێنى دوعا بوایه دوعاى ده‌کردو شوێنى په‌ناگرتن بوایه په‌ناى ده‌گرت به‌خواو. . . هتد.
عه‌مر خالید له کۆمه‌ڵێک لاوى پرسى گه‌وره‌ترین نیعمه‌ت چییه؟؟ هه‌ریه‌که‌و نیعمه‌تێکى وت، یه‌کێکیان وتى: گه‌وره‌ترین نیعمه‌ت ئه‌وه‌یه که خوا خوامانه. . به‌راستى مرۆڤ بێ خوا وه‌ک پوشى ده‌م با وایه دنیا و هه‌واو ئاره‌زوو ئه‌یهێنێ و ئه‌یبات.
خوا زۆرى پێخۆشه ته‌وبه بکه‌ین، سترمان ده‌کات و ناز ونیعمه‌ت و رۆزیمان لێنابڕێت وحه‌زده‌کات زوو به‌زوو ته‌وبه بکه‌ین، ئه‌وانه‌ى ته‌وبه ده‌که‌ن ده‌بنه خۆشه‌ویستى خوا و، پاشان هه‌موو گوناهه‌کانیشیان بۆ ئه‌گۆڕێت بۆ چاکه، وه‌رن سه‌یرى ره‌حمى خوا بکه‌ن، ئاخر که‌سێک خراپه‌یه‌ک به‌رامبه‌رتان بکات ئه‌وپه‌ڕه‌که‌ى وا لێى خۆش ببن، ده‌گمه‌نه خۆشتان بوێ، خۆ ئه‌گه‌ر خۆشیشتان ویست ئه‌چن خراپه‌که‌ى به چاکه بۆ حساب بکه‌ن، دیاره نه‌خێر!