ماڵپەری قورئانی پیرۆز

١-شێخ محمد حه‌سسان ده‌ڵێت : دکتۆرێکى میسرى حاڵه‌تێکى بۆ گێڕامه‌وه‌ و سوێندى له‌سه‌ر خوارد که‌زۆر سه‌یر بوو به‌لایه‌وه‌ و وتى : پیاوێکى ته‌مه‌ن شه‌ست سالآن سه‌رو ڕیش سپى هات

نه‌شته‌رگه‌رى بۆ بکه‌ین , سه‌یرم کرد ده‌گرى , وتم : بۆچى ده‌گریت ؟ وتى: پرسیارم کردووه‌ نه‌شته‌رگه‌ریه‌که‌ چوار بۆ شه‌ش سه‌عاتى پێده‌چێت و ناتوانم له‌وماوه‌یه‌دا ویردى ڕۆژانه‌ى قورئان بخوێنم . وتم: بۆ تۆ ڕۆژى چه‌ند ده‌خوێنى ؟ وتى:ڕۆژى ده‌ جزم و هه‌ر سێ ڕۆژ جارێک خه‌تمێک ده‌که‌م . به‌ڕاستى خۆمم له‌به‌رچاو که‌وت که‌ئه‌و به‌وته‌مه‌نه‌ وبه‌نه‌خۆشیه‌وه‌  ئاوا هۆگرى قورئانه‌ و منیش به‌هه‌زار حاڵ ئه‌گه‌ر ڕۆژى جزمێک بخوێنم و له‌شیشم ساغه‌ ! 

ئنجا سه‌یرى کردم و وتى: کوڕم داوایه‌کم هه‌یه‌ , وتم : فه‌رموو ! وتى : که‌ بردتانم نه‌شته‌رگه‌ریه‌که‌م بۆبکه‌ن سه‌عاتێک به‌جێمبهێڵن ودوای ئه‌وه‌ چیتان ده‌وێ بیکه‌ن. وتم : باشه‌ به‌سه‌رچاو،ئاماده‌کراو برایه‌ ساڵه‌ی نه‌شته‌رگه‌ریه‌وه‌ وسه‌عاتێک به‌جێمان هێشت قورئانی ده‌خوێند ،ئنجا چون به‌نجیان کرد ،سبحان الله‌ چونکه‌ دڵی لای قورئان بوو خه‌می قورئانی بوو خواشایه‌ته‌ به‌و به‌نجکراوییه‌ش که‌ ئێمه‌ ئه‌شته‌رگه‌ریمان بۆ ده‌کرد ئه‌و به‌ده‌نگی به‌رز قورئانی ده‌خوێند،دیاره‌ ئه‌مه‌ شوێنکه‌وته‌ی ڕاسته‌قینه‌ی ئه‌و پێغه‌مبه‌ره‌ سه‌روه‌ره‌یه‌ ''صلی الله‌علیه‌وسلم'' که‌ده‌ یفه‌رموو: من هه‌رچه‌ن چاوم ده‌خه‌وێت به‌ڵام دڵم هۆشیاره‌.

(دیمه‌نه‌کانى قورئان / ئه‌ندازیار عوسمان).