ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئەو ناوچەیەی دەست بەسەر ڕەفتارماندا دەگرێت..لە قورئاندا
نووسینی /سەروەر حسن /نووسینگەی تەفسیر ///خوای گەورە دەفەرموێت:{كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ (15) نَاصِيَةٍ كَاذِبَةٍ خَاطِئَةٍ (16)} [العلق]، واتە: نەخێر (ئاوا بۆی ناچێتە سەر) ئەگەر كۆڵنەدا و كۆتایی (بە دوژمنكاری)
نەهێنێت ئێمە ناوچەوانی دەگرین و (بۆ دۆزەخ كێشی دەكەین)،
ئەو ناوچەوانە درۆزن لە وتنەدا و تاوانكار لە ڕەفتاردا.
دەستەواژەی لە ئایەتەكەدا جێگای گرنگیپێدانە. ئەو توێژینەوانەی لەم دواییانەدا ئەنجامدران دەریانخست كە ناوچەی پلی پێشەوە بەرپرسە لە بەڕێوەبردنی كۆمەڵە فرمانێكی دیاریكراو لە مێشكدا دەكەوێتە ڕووكاری ناوچەوانی كاسەی سەر. زاناكان تا شەست ساڵی ڕابردوو فرمانی ئەم ناوچەوانەیەیان نەدۆزیبوەوە، لە كاتێكدا كە قورئانی پیرۆز پێش (1400) ساڵ ئاماژەی پێداوە.
ئەگەر سەیری ناو كاسەی سەر بكەین لە ڕووكاری ناوچەوانەوە، ئەوا ناوچەی پێشەوەی مێشك دەبینین... لە كتێبێكدا بە ناونیشانی (أساسیات التشریح و الفیزولوجیا– بنەماكانی توێكاریكردن و فسۆلۆژیا) كە دواهەمین توێژینەوەكان لە خۆدەگرێت دەربارەی فرمانی ئەم ناوچەیە ئەمەی خوارەوەی تێدا هاتووە:
" دیایكردنی پاڵنەرەكان و بیركردنەوە لە سەرەنجامی كارەكان و پلان بۆ تێپەڕینی كارێك لە پلەكانی بەشی پێشەوەی ناوچەواندا ڕوودەدات، واتە ناوچەی پێشەوەی ناوچەوان كە ناوچەی بیرەكان و یادەوەریەكانە لە توێكڵی مێشكدا".
هەروەها كتێبەكە دەڵێت بەوەی كە ئەم ڕووكارە بەرپرسە لە پاڵنەرە مرۆییەكان، وا گومان دەبات سەنتەری فرمانی بێت بۆ توندڕەوی.
كەواتە ئەم ناوچەیەی مێشك لێپرسراوە لە پلاندانان و پاڵنەرەكان و كردنی كارە باشەكان یان خراپەكان و بەرپرسیشە لە بەرامبەر وتەی ڕاست یان درۆ.
ئاشكرایە دەستەواژەی تەبایە لەگەڵ ئەو ڕاڤەیەی لەسەرەوە باسكراوە... ئەم ڕاستیەی زاناكان نەیانتوانی ئاشكرای بكەن تاكو (60 ساڵ) پێشتر، بەڵام قورئانی پیرۆز ساڵانێكی زۆرە ئاماژەی پێداوە.