ماڵپەری قورئانی پیرۆز

نوسینى : بورهان موحه‌مه‌د ئه‌مین / ئاماده‌کردنى : چێنه‌ر / طەبەری لە عەبدوڵڵای كوڕی عەبباسەوە گێڕاویەتیەوە كە ووتوویەتی : كەسانێك لە خەڵكی (مەككە) موسولمان بوون وە موسوڵمان بوونەكەیان شاردبوویەوە، لە غەزای

(بەدر)دا بێ باوەڕانی (مەككە) لەگەڵ خۆیان بردبوونیان بۆ ئەو غەزایە ، لە بەدردا هەندێكیان لێ كوژرا و هەندێكیان لێ بریندار بوو ، موسوڵمانەكان دەربارەیان ووتیان : ئەو هاوەڵانەمان موسوڵمانن و بەناچاری هێراوون بۆ شەڕ لەبەر ئەوە داوای لێبوردنیان ۆ بكەن لەسەر ئەمە ئەم ئایەتە هاتە خوارەوە : { إِنَّ الَّذِينَ تَوَفَّاهُمُ الْمَلَائِكَةُ .. }. عەدوڵڵا دەڵێ : ئەم ئایەتە : {  إِنَّ الَّذِينَ تَوَفَّاهُمُ الْمَلَائِكَةُ .. }نوسراو نێررا بۆ ئەو موسوڵمانانەی لە (مەككە) مابوونەوە كە بیانویان نی یە كۆچ ناكەن ، ئەنجا ئەوانیش لە مەككە دەرچوون ( بە نیازی كۆچ كردن بۆ مەدینە ) بەڵام بێ باوەڕانی (مەككە) پێیان گەیشتن زۆریان لێكردن بێ باوەڕ ببنەوە ئەوانیش بەناچاری بێ باوەڕ بوونەوە ئەم ئایەتە لەسەریان هاتە خوارەوە : { وَمِنَ النَّاسِ مَنْ يَقُولُ آمَنَّا بِاللَّهِ فَإِذَا أُوذِيَ فِي اللَّهِ جَعَلَ فِتْنَةَ النَّاسِ كَعَذَابِ اللَّهِ .. }ئەنجا موسوڵمانان ئەم ئایەتەیان بۆ ناردن ئەوانیش بۆجاری دووەم لە (مەككە) دەرچوون و بێ هیوا بوون لە هەموو خێر و چاكەیەك پاشان ئەم ئایەتە لەسەریان هاتە خوارەوە : { ثُمَّ إِنَّ رَبَّكَ لِلَّذِينَ هَاجَرُوا مِنْ بَعْدِ مَا فُتِنُوا ثُمَّ جَاهَدُوا وَصَبَرُوا إِنَّ رَبَّكَ مِنْ بَعْدِهَا لَغَفُورٌ رَحِيمٌ  } ئەنجا ئەم ئایەتەیان بۆ ناردن كە خوا دەرووی لێ كردونەتەوە ، ئەوانیش لە (مەككە) دەرچوون و بێ باوەڕەكانی (مەككە) پێیان گەیشتن شەڕ لەنێوانیاندا ڕووی دا ئەوەی كوژرا ، كوژرا و ئەوەی ڕزگاری بوو ڕزگاری بوو.