ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هێزی گۆڕان..لە قورئاندا
نووسینی /سەروەر حسن //نووسینگەی تەفسیر///ساڵانێكی درێژ بوو خەونم بەوەوە دەبینی كۆمەڵێك شت لە ژیانمدا بگۆڕم، بەڵام هەوڵەكان بە شكست كۆتاییان دەهات، دەمبینی بار و وەزعەكان لە حاڵی خۆیاندا دەمێننەوە، تاكو ڕووداوێكی گرنگ ڕوویدا
و هەموو شتەكانی گۆڕی، ئەویش بەهۆی قورئانی پیرۆزەوە بوو.
بەر لە بیست ساڵ وابەستەبووم بەم كتێبەوە (قورئانی پیرۆز)، كۆمەڵێك شتی سەرنجڕاكێشم ئاشكراكرد كە پێشتر نەمدەزانین. ڕەنگە گرنگترین شتێك قورئان لە مندا دروستیكرد بێداركردنەوەی هێزی گۆڕان بووبێت لە ناخمدا، ئەو هێزەی بە شاراوەیی و نووستوویی مایەوە تاكو وشەكانی قورئان هاتن بۆ بێداركردنەوەی و لەدوای ئەوە دەستی بە مومارەسەی چالاكیەكانی كرد.
ئەوە هێزێكی شاراوەی زەبەلاحە لە ناخی هەریەكەماندا، دەكرێت ناوی بنێم "هێزی گۆڕان". ئەم هێزەیە وەها لە مرۆڤ دەكات دەوڵەمەند بێت، وا لە كەسێكی تر دەكات داهێنەربێت و هەندێك خەڵك ببنە سەركردە یان هونەرمەند یاخود زانا... هەوڵدەدەم لەگەڵمدا بتانبەم بۆ گەشتێكی نێو قوڵاییەكان كە ئەو هێزەی تیادا نێشتەجێیە و نایبینین، وەلێ دەكرێت بۆی بچین و بەشێوەیەكی نموونەیی وەبەرهێنی بكەین.