ماڵپەری قورئانی پیرۆز

نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ سه‌رگوزشته‌یه‌كی سه‌یری هه‌یه‌..!!ئه‌و پیاوه‌ی له‌رۆژی (ئوحود)دا موسڵمانانی خسته‌ ناڕه‌حه‌تیه‌وه‌ و.. رۆژه‌كانی دیكه‌ش دوژمنانی ئیسلامی تووشی

ناڕه‌حه‌تی كرد..!!ده‌با ئێمه‌ش سه‌ربرده‌كه‌ی له‌سه‌ره‌تاوه‌ ده‌ست پێ‌ بكه‌ین..به‌ڵام چ سه‌ره‌تایه‌ك..؟؟ئه‌و خۆیشی، هیچ رۆژێكی دیكه‌، جگه‌ له‌و رۆژه‌ی كه‌ تێیدا ده‌ستی خسته‌ نێو ده‌ستی پێغه‌مبه‌ر (صلی الله علیه وسلم) و به‌ڵێنی پێدا، به‌سه‌ره‌تای ژیانی نازانێت..گه‌ر له‌تواناشیدا بووایه‌ ئه‌وا هه‌موو ئه‌وه‌ی چه‌ندین رۆژ و ساڵ به‌ر له‌و رۆژه‌ روویداوه‌ له‌ته‌مه‌ن و ژیانیدا ده‌یسڕیه‌وه‌…كه‌واته‌ با ئێمه‌ له‌وێوه‌ ده‌ست پێ‌ بكه‌ین كه‌ پێی خۆشه‌.. له‌و چركه‌ ساته‌ به‌هره‌مه‌نده‌ی كه‌ تێیدا دڵی ملكه‌چی فه‌رمانی خودا بوو و، تێیدا رۆحی دایه‌ ده‌ستی راستی په‌روه‌ردگاری خاوه‌ن به‌زه‌یی-كه‌ هه‌ردوو ده‌ستی هه‌ر راسته‌یه‌- به‌ره‌كه‌ت و په‌رۆش بۆ ئاینه‌كه‌ی و، بۆ پێغه‌مبه‌ره‌كه‌ی (صلی الله علیه وسلم) و، شه‌هید بوونێكی مه‌زن له‌ پێناوی هه‌قدا له‌ دڵیدا هه‌ڵقوڵا، كه‌ به‌هۆیه‌وه‌ كۆڵ و باری ئه‌و رۆژه‌ به‌تاڵانه‌ی پشتیوانی ناڕه‌وای تێدا ده‌كرد له‌سه‌ر شانی لاده‌بات..رۆژێكیان به‌ته‌نها بیری ده‌كرده‌وه‌ و، یاده‌وه‌ریه‌ چاكه‌كانی له‌سه‌ر ئه‌و ئاینه‌ نوێیه‌ی كه‌ رۆژ له‌ دوای رۆژ ئاڵاكانی زیاتر ده‌دره‌وشێته‌وه‌ و ده‌شه‌كێته‌وه‌ ده‌هێناو و ده‌برد و، له‌ خودای په‌نهان زانی خواست كه‌ به‌هه‌ر هۆیه‌كه‌وه‌ بووه‌ رێنمایی بكات و.. له‌دڵی زرنگ و وریایدا مژده‌كانی دڵنیابوون چه‌كه‌ره‌ی كرد و، وتی:{سوێند به‌خوا خزمان له‌سه‌ر رێگه‌یه‌كی راستن،..ئه‌و پیاوه‌ش پێغه‌مبه‌ره‌ (صلی الله علیه وسلم) ..