ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابەزینی ئایەتی (١٢٦) سورەتی (النحل) : { وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ ..}
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئایەتەكە : (حاكم) و (بیهقی) و (بزار) دەگێڕنەوە ، لە (أبی هریرە) وە ،دەڵێت : ، پێغەمبەری خوا (صلی الله علیه وسلم) لەسەر جەستەكەی (حمزة) وەستا كاتێ
شەهیدكراو بەو چەشنە شێوێنرابوو ، توڕەبوون گرتی و فەرمووی : دەبێت حەفتا كەس لەتۆڵەی ئەم كارەیاندا بەو دەردەبەرم ،ئینجا (جبریل) دابەزی و هێشتا پێغەمبەر (صلی الله علیه وسلم) وەستابوو بەپێوە و كۆتایی سورەتی (النحل) ی بۆهێنا : ( وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ .. ) تا كۆتایی سوورەتەكە ، پاشان ، پێغەمبەری خوا (صلی الله علیه وسلم) دەست بەرداری ئەوەبوو كە ئامادەباشی بۆ وەرگرتبوو. (ترمذی) و (حاكم) لە (أُبی) كوڕی (كعب) ەوە دەگێڕێتەوە،دەڵێت : ڕۆژی (أُحد) شەست و چوار كەس لە پشتیوانەكان وە چوار كەسیش لە كۆچبەران شەهید كران ، لەنێوانیاندا (حمزة) ی تێدابوو كەوا جەستەی شێوێنرابوو ، پشتیوانەكات وتیان : ئەگەر ڕۆژێكی وەك ئەمڕۆمان بۆ هەڵكەوت ئەوا تۆڵەیان لێ دەكەینەوە،كاتێ ڕۆژی ئازادكرنی شاری (مەككە) داهات خوای گەورە ئایەتی : ( وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ .. ) ی دابەزاند.ڕووكەشی ئەم ئایەتەش ئەوە دەردەخات دواكەوتووە و لە ڕۆژی (فتح) دا دابەزیوە ، لە فەرموودەكەی پێشووشدا باس لەوە دەكات لە ( أُحد) دا دابەزیوە ، (إبن الحصار) لەم بارەیەوە دەڵێت : سەرەتا لە (مەككە) دابەزیوە ، پاشان لە (أُحد) و بۆجای سێیەم لە ڕۆژی (فتح) و ئازادكردنی (مەككە) یا دابەزیوە ، بۆئەوەی بیری بەندەكانی بخاتەوە.