( خالیدی کوڕی وه‌لید ) ناخه‌وێت و لێناگه‌ڕێت که‌سیش بخه‌وێت !! (بەشی سێ یەم)

- بۆ خویندنه‌وه‌ى قورئان و گوێ گرتن له‌ هه‌ر قورئانخوێنێک کلیک لێره‌ بکه
- بۆ گوێ گرتن له‌ قورئان و خوێنه‌وه‌ى وبینینى ته‌فسیره‌که‌ى پێکه‌وه‌ به‌کوردى و زمانه‌ جیهانیه‌کان کلیک لێره‌ بکه

نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ ئه‌و ده‌سته‌واژه‌ بڵنده‌ غه‌مگینه‌شتان له‌یاده‌ كه‌ پێغه‌مبه‌ر (صلی الله علیه وسلم ) هه‌واڵی هه‌رسێ‌ سه‌ركرده‌ی جه‌نگه‌كه‌ی پێ‌ راگه‌یاند، كاتێك فه‌رمووی:

{زه‌یدی كوڕی حاریسه‌ ئاڵاكه‌ی گرته‌ ده‌ست و جه‌نگا پێوه‌ی هه‌تا شه‌هید بوو.پاشان (جه‌عفه‌ر) وه‌ریگرت و شه‌ڕی كرد، تا شه‌هید بوو..دواتر (عبدالله ی كوڕی ره‌واحه‌) گرتیه‌ ده‌ست و پێوه‌ی جه‌نگا تا شه‌هید بوو}.ئه‌و فه‌رمووده‌یه‌ی پێغه‌مبه‌ر (صلی الله علیه وسلم ) ئه‌مه‌نده‌ی مابوو، هێشتمانه‌وه‌ بۆ جێگای خۆی له‌سه‌ر ئه‌م لاپه‌ڕانه‌..

ئه‌مه‌ش به‌شه‌كه‌ی دیكه‌ی فه‌رمووده‌كه‌یه‌:

{پاش ئه‌وه‌ شمشێرێك له‌ شمشێره‌كانی خودا ئاڵاكه‌ی هه‌ڵگرت و، خوای گه‌وره‌ رزگاربوونی له‌سه‌ر ده‌ستی ئه‌و به‌دیهێنا}..

جا ده‌بێت ئه‌و پاڵه‌وانه‌ كێ‌ بێت..؟؟

ئه‌و قاره‌مانه‌ (خالیدی كوڕی وه‌لید) بوو.. كه‌وه‌ك سه‌ربازێكی ئاسایی به‌په‌له‌ به‌ره‌و غه‌زای (موئته‌) كه‌وته‌ ڕێ‌ له‌ژێر فه‌رمانی هه‌رسێ‌ سه‌ركرده‌كه‌دا كه‌ پێغه‌مبه‌ر بۆ سوپاكه‌ی دیاریكرد: زه‌ید و، جه‌عفه‌ر و، عبدالله ی كوڕی ره‌واحه‌،كه‌ هه‌ر سێكیان به‌هه‌مان ریزبه‌ندی له‌گۆره‌پانی جه‌نگه‌ خوێناویه‌كه‌دا شه‌هید بوون..

له‌دوای شه‌هید بوونی دوا سه‌ركرده‌، (ثابتی كوڕی ئه‌قره‌م) په‌لاماری ئاڵاكه‌ی دا و به‌ده‌ستی راستی هه‌ڵیگرت و له‌نێو سوپای موسڵماناندا به‌رزی كرده‌وه‌ تا بێ‌ سه‌روبه‌ره‌یی نه‌كه‌وێته‌ ناوریزه‌كانیه‌وه‌..

هه‌ر كه‌ (ثابت) ئاڵاكه‌ی هه‌ڵگرت خێرا به‌ره‌و لای خالیدی كوڕی وه‌لیدی برد و، پێی وت:

((ئاڵاكه‌ بگره‌ ئه‌ی باوكی سوله‌یمان))..

خالید له‌ كاتێكدا كه‌ تازه‌ موسڵمان بووبوو ئه‌وه‌ی به‌مافی خۆی نه‌زانی كه‌ سه‌ركردایه‌تی ده‌سته‌یه‌ك بكات كه‌ ئه‌و موهاجیر و ئه‌نصارانه‌ی له‌نێودایه‌ به‌ر له‌ئه‌و موسڵمان بوون.

ئاكار جوانی و، خۆ به‌كه‌م زانی و، پێزانین و، باشیه‌ك، كه‌ ئه‌و شایانیه‌تی و گونجاوه‌ بۆی..!!

ئالێره‌دا و له‌وه‌ڵامی (ثابتی كوڕی ئه‌قره‌م)دا وتی:

{نه‌خێر.. ئاڵاكه‌ هه‌ڵناگرم، تۆ له‌من له‌پێشتر و حه‌قتری بۆی.. به‌ته‌مه‌نیت و به‌شداری به‌دریشت كردووه‌}..

{ (ثابت) وه‌ڵامی دایه‌وه‌ و، وتی: بیگره‌ تۆ له‌جه‌نگدا له‌من لێزانتری، سوێند به‌خوا ته‌نها بۆ تۆم هه‌ڵگرت}.

پاشان بانگی له‌ موسڵمانه‌كان كرد: ئه‌رێ‌ رازین به‌وه‌ی خالید ببێته‌ سه‌ركرده‌تان..؟

وتیان: به‌ڵێ‌..

ئه‌مجا ئه‌م بلیمه‌ته‌ چوویه‌ سه‌ر ئه‌سپه‌كه‌ی و، ئاڵاكه‌ی به‌ده‌ستی راستی هه‌ڵگرت و به‌ره‌و پێشه‌وه‌ كه‌وته‌ رێ‌ و وه‌ك ئه‌وه‌ی له‌چه‌ند ده‌رگایه‌كی داخراو بدات كه‌ ساته‌وه‌ختی كرانه‌وه‌ی هاتووه‌ له‌به‌رده‌م رێگایه‌كی دوور و درێژدا تا ئه‌م پاڵه‌وانه‌ هێدی هێدی به‌سه‌ریدا بڕوات، له‌كاتی ژیانی پێغه‌مبه‌ر (صلی الله علیه وسلم ) و پاش وه‌فاتیشیدا، تا به‌بلیمه‌تیه‌ له‌ڕاده‌ به‌ده‌ره‌كه‌ی قه‌ده‌ر بیگه‌یه‌نێته‌ كارێك كه‌ خودا له‌ چاره‌ی نووسیووه‌.. ( كؤتايي بةشي سى يةم )

ماڵپەری قورئانی پیرۆز

سەرەکیەکان

ئاماری ماڵپەر

ته‌فسیری ئاسان دابه‌زێنه‌

خوێندنەوەو تەفسیری قورئانی پیرۆز

( خالیدی کوڕی وه‌لید ) ناخه‌وێت و لێناگه‌ڕێت که‌سیش بخه‌وێت !! (بەشی سێ یەم)