ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
شێخ نیعمه‌توڵڵا له كۆریا .. ( بەشی دووەم )
له‌م حاڵه‌دا بوو له دووره‌وه چوار لاوی تازه پێگه‌یشتووی كۆری كه له‌وه ده‌چوو قوتابی ناوه‌ندی بن به‌ره‌و مزگه‌وته‌كه هاتن، خێرا فرمێسكه‌كانی سڕی وئاماژه‌ی بۆ كردن كه بێن بۆ لای، نزیك بوونه‌وه و به په‌نجه ئاماژه‌ی كرد بۆ
ده‌می و وتی: بڵێن (لا إله إلا الله محمد رسول الله)، له مه‌به‌ستی حاڵی نه‌بوون، دووباره‌ی كرده‌وه، زانیان ئه‌یه‌وێ شتێكی باشیان فێربكا، سێ جار به‌دوای ئه‌ودا وتیانه‌وه، پێی وتن: با ناوتان (ئه‌بوبه‌كر و عومه‌ر و عوسمان و عه‌لی) بێت. ئنجا هانی دان كه بچنه ناو مزگه‌وته‌كه‌وه و موسوڵمانان ببینن.
بۆ به‌یانی له‌سه‌ر مێزی نانخواردنی به‌یانی له ئوتێله‌كه له‌گه‌ڵ چه‌ند كه‌سێكی شانده‌كاندا دانیشت و باسی ئه‌و چوار لاوه‌ی بۆ كردن كه چۆن فێری شایه‌تومانی كردوون و ناوی ئیسلامیی لێ ناون،یه‌كێك له ئاماده‌بووان وتی: ئه‌و قسه‌یه چییه؟ خوله‌فای ڕاشیدینت زیندوو كردوه‌ته‌وه؟ یا به‌ڕاستی شێت بوویت.
شێخ به‌م قسانه زۆر دڵ ته‌نگ بوو، هه‌رچه‌نده هیچی ده‌رنه‌بڕی. دوای سێ ڕۆژ شانده‌كان گه‌ڕانه‌وه بۆ وڵاته‌كانیان، شێخ نیعمه‌توڵڵاش مانگ و نیوێك له كۆریا مایه‌وه و پێشوازی له‌و كه‌سانه ده‌كرد كه سه‌ردانی مزگه‌وتیان ده‌كرد له پیاوان و له ئافره‌تان و، به‌و شێوازه تایبه‌ته‌ی خۆی له بانگه‌وازدا ڕۆژانه نزیكه‌ی حه‌فتا كه‌سێكی موسوڵمان ده‌كرد و ناوی ئیسلامیی لێ ده‌نان...