ماڵپەری قورئانی پیرۆز

نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئایەتەكە : (إبن مردویە) و ئەوانی دی لە (إبن عباس) ەوە دەگێڕنەەوە ، دەڵێت : ڕۆژێكیان پێغەمبەری خوا (صلی الله علیه وسلم) لە (مەككە) بوو، نزا و دوعای كرد لە دوعاكانی دا وتی :

ئەی (الله) ئەی (رحمان) ، موشریكەكانیش وتیان : تەماشای ئەو پیاوە ( صابئە) بكەن لە ئێمەی قەدەغەكردووە بانگی دوو خوا بكەین كەچی خۆی بانگی دوان دەكات ، پەروەردگاریش ئایەتی : {قُلِ ادْعُوا اللَّهَ أَوِ ادْعُوا الرَّحْمَنَ أَيًّا مَا تَدْعُوا فَلَهُ الْأَسْمَاءُ الْحُسْنَى } ی دابەزاند. سەبارەت بە ئایەتی : { وَلَا تَجْهَرْ}  ئایەتەكە . (بخاری) و ئەوانی دی لە (إبن عباس) ەوە دەگێڕێتەوە، دەڵێت : كاتێ نازڵ بوو پێغەمبەری خوا (صلی الله علیه وسلم) لەشاری (مەككە) دا خۆی شاردبوویەوە ،هەركات بیویستایە نوێژ بە هاوەڵەكانی بكات دەنگی قورئان خوێندنەكەی بەرزدەكردەوە،موشریكەكانیش بەگوێ بیست بوونیان پەست دەبوون و جنێوو قسەی ناشیرینیان پێ دەوت و قسەو جنێویشیان دەدا بەوەی ناردویەتیە خوارەوە ، لەسەر ئەمە ئایەتەكە نازڵ بوو. هەروەها (بخاری) و ئەوانی دێ لە (عائیشە) وە دەگێڕنەوە ، دەڵێت : ئەم ئایەتە دەرهەق بەنزا و دوعا ٠ (یەكەم فەرموودەیان (صحیح) ترینیانە چونكە (سند) ەكەی باشترین (سند) ەو (نووی) یش ئەوە هەڵدەبژێرێت) . (إبن حجر) یش دەڵێ : دەگونجێت هەردوو هۆكارەكە بەیەكەوە كۆبكەینەوە بەوەی لە دوعاكردنی ناو نوێژدا دابەزی بێت . (إبن مردویە) لە فەرموودەیەكی (أبی هریرة) ەوە دەگێڕێتەوە ، دەڵێت : كاتێ پێغەمبەری خوا (صلی الله علیه وسلم) لەلای (بیت) كەعبەدا نوێژی بكردایە دەنگی دوعا و نزای بڵند دەكردەوە و ئەم ئایەتەش لەسەر ئەوە دابەزی. (إبن جریر) و (حاكم) لە (عائیشە) وە دەگێڕنەوە ، دەڵێت : ئەم ئایەتە لە (تەحیات) دا دابەزی و داوا و خواستەكانی لە فەرموودەی پێشوو دەخاتە ڕوو. (إبن منبع) یش لە (إبن عباس) ەوە دەگێڕێتەوە ، دەڵێت : كاتێ دوعایان دەكرد دەنگیان هەڵدەبڕی و دەیان وت : خوایە لێمان خۆش ببە ، ئنجا ئەم ئایەتە دابەزی و فەرمانیان پێكرا نە بە سووكی و لە ژێر لێوەوە و نە بە دەنگی بەرز دوعا نەكەن ، بەڵكو ئاستێكی مام ناوەندی وەربگرن.