ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
چەند وتەیەكی هەڵبەســتراوی جوولەكەكان دەربارەی چیـرۆكی وێڵا بوونەكە..چیرۆكە قورئانیەكان
نووسینی /د.صلاح عبدالفتاح الخالدی //نووسینگەی تەفسیر///زانایانی تەفسیرو گێڕانەوەی بەسەرهات، چەندین گێڕانەوەو وتەیان لە دەقە هەڵبەستراوەكانی ناوبراو بە (ئیسرائیلیات) دەربارەی درێژەو شیكاری چیرۆكەكە هێناوەتەوەو،
لەنێویاندا چەندین وتەی گێرڕاوەی ناڕاست‌و خەیاڵی‌و ئەفسانە چێتی تێدایە.لەو گێڕانەوەو ڕیوایەتانەش، دیاریكردنی ناوی ئەو شارەیە، كە موسا -سڵاوی لێ بێت- فەرمانی چوونە ناوییەوە پێ‌كردن‌و گوایە شاری (ئەریحا)یە، كە دەكەوێتە لێژاییی ناوەڕاستی فەلەستینەوە، هەروەها دیاریكردنی بارستایی لاشەی هەریەكە لەو گەلە بەزەبرەی نێو شارەكە، كە جوولەكەكان گوتبوویان: (ان فیها قوماً جبارین) لەو ریوایەتەدا گوتویانە گوایە: (موسا ـ سڵاوی خودای لێ بێت ـ دوازدە كەسی لە (بەنو ئیسرائیل) ناردووە بۆ زانینی هەواڵی شارەكەو، ئەوانیش چوونەتە قەراغی شارەكەو پیاوێكیان دیوە، كە بەرەو ڕوویان هاتووەو زۆر بەسام‌و بەزەبر دیاربووە، ئەوانیش لێی ترساون‌و لەنێو گژو گیاو دەغڵاو داندا خۆیان شاردۆتەوە.. ئەو پیاوە زلەش چۆتە نێو كێڵگەكەوەو جوولەكەكان دیویانە تیایداو، خۆیان لەبەردەمیدا لە كورتە باڵاكان بچووكتر دیوە، ئەویش دەستی كردوە بە گرتنیان‌و خستوونیەتە نێو قۆڵی كراسەكەی‌و بە پشتێن‌و پزووی شەڕواڵەكەیدا هەڵیواسیون.