ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌و سه‌رپێچیانه‌ى ده‌ستنوێژ پوچه‌ڵ ده‌که‌نه‌وه :(١) ئێڵنجدان و رشانه‌وه:
له‌ناو زۆربه‌ی نوێژخوێناندا وا باوه ئه‌م شتانه‌ی باسیان ده‌كه‌ین ده‌ستنوێژ پوچه‌ڵ ده‌كه‌نه‌وه, ئه‌مه‌ش تێگه‌یشتنێكی هه‌ڵه‌یه به‌ویستی خوای گه‌وره
روونی ده‌كه‌ینه‌وه بۆتان:
(١) ئێڵنجدان و رشانه‌وه:
زۆر له نوێژخوێنان واده‌زانن ئێڵنجدان و رشانه‌وه ده‌ستنوێژ پوچه‌ڵ ده‌كه‌نه‌وه, ئیتر پڕ به‌ده‌م بێت یان نا, به‌ڵگه‌شیان ئه‌م فه‌رموده‌یه:
له عائشه‌وه (ره‌زای خوای لێ بێ) هاتووه ده‌فه‌رموێت: پێغه‌مبه‌ری (خوا صلی الله علیه وسلم) فه‌رمویه‌تی: ( مَنْ أَصَابَهُ قَيْءٌ أَوْ رُعَافٌ أَوْ قَلَسٌ أَوْ مَذْيٌ فَلْيَنْصَڕفْ فَلْيَتَوَضَّأْ ، ثُمَّ لِيَبْنِ عَلَى صَلاتِهِ وَهُوَ فِي ذَلِكَ لا يَتَكَلَّمُ ) . واته: هه‌ركه‌سێك رشایه‌وه یا خوێنی لوتی پژا یا (مذی) ده‌رچوو له زه‌كه‌ری با ده‌ستنوێژ بگرێته‌وه و نوێژه‌كه‌ی هه‌ر له‌و شوێنه‌وه ده‌ست پێ بكاته‌وه كه پچڕاندویه‌تی به‌ڵام قسه نه‌كات.
پێشه‌وا شه‌وكانی ده‌ڵێ: ئه‌م فه‌رموده زیاتر له كه‌سێك علله‌تیان داوه‌ته پاڵی چونكه له ریوایه‌تی (إسماعیل كوڕی عیاش)ه ئه‌ویش له (ابن جریج)ه‌وه ریوایه‌تی كردووه كه حیجازیه, ریوایه‌تی ئیسماعیلیش له حیجازیه‌كانه‌وه لاوازه.
ئیبن ته‌یمیه ده‌ڵێ: ئێڵنجدان و رشانه‌وه نابنه هۆی پوچه‌ڵ بوونه‌وه‌ی ده‌ستنوێژ.