ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ره‌وزه‌ى جل سپى
له‌سه‌ر شۆسته‌ى وێستگه‌یه‌کى شه‌مه‌نده‌فه‌ر له تۆکیۆ، له دوورى سه‌د مه‌ترێکه‌وه شێخ نیعمه‌توڵلآ ئافره‌تێکى جل سپى بینى، لێى نزیک بۆوه بینى ڕه‌نگ و ڕووى له یابانى ناچێت،
به ئینگلیزى لێى پرسی: ئایا به ئینگلیزى قسه ده‌که‌یت؟ وتى: به‌ڵێ من به‌ریتانیم.
شێخ وتى: دێڕێک هه‌یه هه‌ر که‌س بیڵێ هه‌موو کێشه‌کانى چاره‌سه‌ر ده‌بن، ئنجا (لا إلە إلا الله محمد رسول الله)ى پێوت.
ئافره‌ته‌که‌ش وتییه‌وه. دواتر ناوى نا (روضه).
(روضه) دڵخۆش بوو، ئنجا بلآوکراوه‌یه‌کى بچووکى دایه که مه‌رکه‌زى ئیسلامى یابانى به ئینگلیزى ده‌رى کردبوو، پاشان به‌جێى هێشت.
پاش سێ ڕۆژ (روضه) په‌یوه‌ندى کرد به مه‌رکه‌زى ئیسلامى یابانیه‌وه‌و وتى: "پیاوێکى پیرم بینى وامزانى شێته، داواى لێکردم بڵێم (لا إلە إلا الله محمد رسول الله) و ناوێکى ئیسلامى لێنام. به‌ڕاستى من ماوه‌یه‌کى زۆر کێشه‌ى زۆرم هه‌بوو، پاش ئه‌وه‌ى ئه‌وه‌م وت کێشه‌کانم چاره‌سه‌ر بوون، ئه‌مه‌وێ ئه‌و پیاوه ببینمه‌وه".
ژماره‌ى مۆبایله‌که‌یان وه‌رگرت و په‌یوه‌ندیان کرد به شێخه‌وه و وتیان: ئافره‌تێک ده‌یه‌وێت بتبینێت، ڕێکه‌وتن که پاش سێ ڕۆژى تر بێت بۆ تۆکیۆ هه‌واڵیشیان دا به ژنه‌که.
له‌کاتى دیاریکراودا ئافره‌ته‌که به جلى سه‌رتاپا سپییه‌وه له‌گه‌ڵ ئافره‌تێکى یابانى داپۆشراودا هاتن، شێخیش هات و ناسیاوییه‌که تازه بۆوه.
په‌یوه‌ندى (روضه) به مه‌رکه‌زه‌که‌وه پته‌وتر بوو، بۆمان ده‌رکه‌وت که حه‌وت زمان ده‌زانێت (يابانى، فةرةنسى، ئيسثانى، پورتوگالى.... هتد).
(روضه) خه‌ریکى وه‌رگێڕانه و له‌گه‌ڵ دایک و باوکیدا ده‌ژى که ئه‌وانیش له‌سه‌ر ده‌ستى شێخدا موسوڵمان بوون، پاشان شێخ نیعمه‌توڵلآ داى به‌شوو به بانگخوازێکى پاکستانى.
(روضه) بوو به بانگخوازێکى چالاک و شه‌وانه له‌گه‌ڵ هاوه‌لآنیدا ده‌رده‌چوون بۆ بانگه‌وازکردن، دیاره یابان تا شه‌وێکى دره‌نگ خه‌ڵکى دێن و ده‌چن و شه‌قامه‌کان قه‌ره‌باڵغن.. شه‌وێکیان (روضه) گۆرانیبێژێکى ئافره‌تى بینى له باخچه‌یه‌کدا که له ئاهه‌نگ ده‌گه‌ڕایه‌وه، (روضه) پێى وت: گۆرانییه‌ک ده‌زانم، هه‌ر که‌س بیڵێته‌وه هه‌موو کێشه‌کانی چاره‌سه‌ر ده‌بن، ئنجا (روضه) له‌سه‌رخۆ سروودى (لا إلە إلا الله محمد رسول الله)ى بۆ وت و گۆرانیبێژه یابانیه‌که‌ش له‌به‌رى کرد و وتیه‌وه، ئنجا گۆرانیبێژه‌که‌ش هه‌رچى به‌ویا ده‌ڕۆى به ده‌نگى به‌رز پێى ده‌وت: خه‌ڵکینه وه‌رن گۆرانییه‌کى تازه‌تان فێر ده‌که‌م، هه‌رچى له‌به‌رى بکات هه‌موو کێشه‌کانى چاره‌سه‌ر ده‌بن، خه‌ڵکێکى زۆرى لێکۆبوونه‌وه و هه‌موو به‌یه‌ک ده‌نگ (لا إلة إلا الله محمد رسول الله)یان ده‌وته‌وه..
به‌م شێوازه ساده‌و ساکاره له بانگه‌وازدا خه‌ڵکێکى زۆر موسوڵمان ده‌بن.
شێخ نیعمه‌توڵلآ چوار جار سه‌ردانى ئه‌وروپاى کردوه، له مزگه‌وته‌کانیدا ئامۆژگاری کردووه و وتارى داوه، شێخ ئینگلیزی و تورکى و عه‌ره‌بى و ئوردویى ده‌زانێت.