ماڵپەری قورئانی پیرۆز

له‌ عائیشه‌وه‌ (ره‌زاى خواى لێ بێ) هاتووه‌ ده‌فه‌رموێت: (أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ يُقَبِّلُ بَعْضَ أَزْوَاجِهِ ثُمَّ يُصَلِّي وَلَا يَتَوَضَّأُ) . واته‌: پێغه‌مبه‌رى خوا (صلى الله علیه‌ وسلم) هه‌ندێک له‌ ژنه‌کانى خۆی ماچى ده‌کرد پاشان نوێژى ده‌کرد, به‌بێ ئه‌وه‌ى ده‌ستنوێژ بگرێته‌وه‌. 

هه‌روه‌ها ده‌فه‌رموێت: (إنْ كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَيُصَلِّي وَإِنِّي لَمُعْتَڕضَةٌ بَيْنَ يَدَيْهِ اعْتِرَاضَ الْجِنَازَةِ حَتَّى إذَا أَرَادَ أَنْ يُوتِرَ مَسَّنِي بِڕجْلِهِ). واته‌: پێغه‌مبه‌رى خوا (صلى الله علیه‌ وسلم) نوێژى ده‌کرد منیش له‌نێوان ئه‌و و قیبله‌دا وه‌ک جه‌نازه‌ راکشابووم کاتێک نوێژى وتری ده‌کرد به‌ پێى خه‌به‌ری ده‌کرمه‌وه‌ واته‌ پێى به‌ر پێستم ده‌که‌وت. ئه‌م فه‌رموده‌ ئیمام (النسائي) ریوایه‌تى کردووه‌ به‌ ژماره‌: (١/١٠١). پێشه‌وا(الحافظ) له‌ (التلخيص)دا ده‌ڵێ سه‌نه‌ده‌که‌ى صه‌حیحه‌, به‌ڵگه‌یه‌ له‌سه‌ر ئه‌وه‌ى ده‌ستدان له‌ پێستى ئافره‌ت ده‌ستنوێژ پوچه‌ڵ ناکاته‌وه‌.

  هه‌ر له‌ عائیشه‌وه‌ هاتووه‌ ده‌فه‌رموێت: (فَقَدْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ لَيْلَةً مِنْ الْفِرَاشِ فَالْتَمَسْتُهُ فَوَقَعَتْ يَدِي عَلَى بَطْنِ قَدَمَيْهِ وَهُوَ فِي الْمَسْجِدِ وَهُمَا مَنْصُوبَتَانِ وَهُوَ يَقُولُ اللَّهُمَّ أَعُوذُ بِڕضَاكَ مِنْ سَخَطِكَ وَبِمُعَافَاتِكَ مِنْ عُقُوبَتِكَ وَأَعُوذُ بِكَ مِنْكَ لَا أُحْصِي ثَنَاءً عَلَيْكَ أَنْتَ كَمَا أَثْنَيْتَ عَلَى نَفْسِكَ) . واته‌: شه‌وێک له‌سه‌ر جێگاى خه‌وتن پێغه‌مبه‌رم لێ وون بوو, منیش بۆی گه‌ڕام له‌ مزگه‌وت بوو ده‌ستم که‌وت له‌ به‌رى هه‌ردو پێی که‌ هه‌ڵی چه‌قاندبووى له‌ سه‌جده‌دا ده‌یفه‌رموو: خودایه‌ ! من په‌نا به‌ رازیبوونت ده‌گرم له‌ خه‌شم و قینت, په‌نا به‌ لێبوردنه‌کانت ده‌گرم له‌ سزاکانت, په‌نا ده‌گرم به‌خۆت له‌ خۆت, من نازانم سوپاس و ستایشى تۆ بکه‌م, تۆ ئاواى که‌ ستایشى خۆتت کردووه‌. 

پێشه‌وا شه‌وکانى ده‌ڵێ: مه‌زهه‌بی ناوه‌ند لێره‌دا ئه‌و مه‌زهه‌به‌یه‌ به‌پێی گشتى فه‌رموده‌کان رای وایه‌ ده‌ستدان له‌ پێستى ئافره‌ت ده‌ستنوێژ پوچه‌ڵ ناکاته‌وه‌ ئیللا به‌شه‌هوه‌ت و ئاره‌زووه‌وه‌ نه‌بێت .