ماڵپەری قورئانی پیرۆز

لەم ئایەتانەی تایبەت بە چیرۆكەكەشدا (موسا) ڕووی گوتاری كردۆتە گەلەكەی‌و پێ‌ی گوتوونئەو تەفسیرەی، كە پێشتر بۆ ڕستەی  خستمانە ڕوو هەمان تەفسیرو شیكارمان بۆ ئەو خاكە پیرۆزەش هەیە كە خودا بۆی نووسییوون‌و بڕیاری بۆ دابوون، كە بچنە ناوی. بێگومان هەمیشە جوولەكەكان وای دادەنێن، كە مافی تەواوی خۆیان لەخاكی پیرۆز، واتە لە (فەلەستین)دا هەیە، ئەمەش بە مافێكی بەردەوام تا هاتنی قیامەت دەزانن، وایشی دادەنێن گوایە كاتێك داوای ئەم خاكە دەكەن واتە داوای ئەو مافەیان دەكەن كە خودا برٍیاری بۆیان داوە، هەروەها كاتێك بۆیشی دەگەڕێنەوە، واتە بۆ ئەو خاكە دەگەڕێنەوە، كە خودا بۆی نووسیون، ئیتر گەڕانەوەشیان لەم سەردەمەدا بۆ فەلەستین‌و داگیركردنی‌و دامەزراندنی دەوڵەتێك بۆ خۆیان تێیداو، دەركردنی دانیشتوانە موسڵمانەكەی‌و، هەموو ئەمانە (بەڕای خۆیان) بە دوژمنكاری‌و ستەم‌و ناڕەوایی دانانرێت. بەڵكو بەدیهێنانی ئەو بەڵێنەی خودایە، كە لە زووەوە پێ‌یداون. ئەوان دەیانەوێت قەناعەت بەگەل‌و نەتەوەكانی تری دنیا بەم پروپاگەندانە بكەن، ئەم ئایەتەش دەكەنە بەڵگەو دەڵێن قورئان دانی پێداناوەو ئەوا ئێمەش دەگەڕێینەوە ناوی، ئیدی بۆچی عەرەب‌و موسڵمانان‌و گەلانی دی ناهێڵن بگەڕێینەوە بۆ ئەو خاكەی، كە قورئان بڕیاری بۆ داوین؟ دیارە چەند كەسێكیش باوەڕ بەم پرۆ پاگەندەیەی جوولەكە دەكەن‌و، چەند كەسێكیش بەم شێواندنەی قورئان‌و بەم هەڵە لێكدانەوەیە هەڵدەخەڵەتێن.

بەڵێ‌ ڕاستە، كە فەڵەستین خاكێكی بەرەكەت پێ‌دراوو پیرۆزە، بەڵێ‌ ڕاستیشە كە خودا بۆ (بنو اسرائیل)ی نووسیبوو‌و بڕیار درابوو، كە بچنە ناویەوە.

بەڵام كێن ئەو (بنو اسرائیل)ەی، كە خودا بڕیاری چوونە نێو خاكی پیرۆزەوەی بۆ دابوون؟ ئایا ئەم نووسین‌و بڕیارەی خودا هەمیشەیی‌و بەردەوامە؟ ئایا بۆ هەموو جوولەكەیەكە، تا ڕۆژی قیامەت؟

ئەوانەی خودا بڕیاری چوونە نێو خاكی پیرۆزی بۆ دابوون، ئەو رۆڵانەی (بنو اسرائیل) بوون، كە باوەڕیان بە موسا - هێنابوو‌و لەگەڵیدا- بۆ میسر-  دەرچوو بوون، هەروەها ئەو ڕۆڵانەی تری (بنو اسرائیل)ن، كە ئیماندار بوون‌و دوای موسا هاتن‌و، شوێنكەوتووی پێغەمبەرانی تریان بوون‌و باوەڕیان پێیان هێنابوو، وەك (داود)و (سلێمان) - دروودیان لەسەر بێت-، خودا بۆ ئەو باوەڕدارانەی ئەوسای (بنو اسرائیل)ی نووسیوە، كە بچنە خاكی پیرۆزەوە، نەك لەبەر ر،ەگەزیان، یان ڕەنگ‌و ڕوویان، یان ڕەچەڵەك‌و بنەماڵەیان، بەڵكو تەنها لەبەر دینداری‌و ئیمان‌و بیروباوەڕەكەیان، ئەمانە لەو سەردەمەدا لەنێو چەندان گەلی كافری میسرو خاكی پیرۆزدا تەنها خۆیان ئیماندار بوون، شتێكی ئاشكراو زانراویشە، كە خودا، باوەڕدار بەسەر كافردا گەورەو بەرێز دەكات.. هەر بۆیەش خاكی پیرۆزی دانا بۆ ئیماندارەكانی (بنو اسرائیل)و بەهۆی باوەڕەكەیانەوە بڕیاری سەرخستن‌و چوونە ژوورەوەی بۆ دان.

بەڵام دوای ئەمە جوولەكەكان گۆڕان‌و پێغەمبەری خودا (محمد)یان صلى الله عليه وسلم  بەدرۆ خستەوەو، باوەڕیان بەو ئاینە نەهێنا، كە پێ‌ی ڕەوانەكرا، بەم ڕەنگەش بەكافرو ستەمكارو دەستدرێژكار دانران‌و، هیچ مافێكیان لەخاكی پیرۆزدا نەما، چونكە خودا ئەو مافەی لێ سەندنەوەو دای بە بەندە چاك‌و باوەڕدارەكانی. ئەمەش هاوڕێكی ئەو دەستوورە نەگۆڕەی خودایە، كە زەوی‌و میراتگیریی زەوی دەدات بە بەندە چاكەكانی.. لەمبارەیەوە چەندین ئایەتی ڕۆشن، جەخت لەسەر ئەم دەستوورەی خودا دەكەن‌و، ئەو حەقیقەتەش ڕوون دەكەنەوە، وەك ئەم ئایەتانە:-

خودا فەرموویە

واتە: (ئەی پێغەمبەر ئەوە بەیاد بێنەوە، كە خودای پەروەردگاری ئیبراهیم، ئیبراهیمی بەچەند فەرمانێكی دیاریكراو تاقیكردەوە، ئەویش بەچاكی جێ‌بەجێ‌ی كردن، خوداش پێ‌ی فەرموو: (من بڕیارم داوە بتكەم بە پێشەوای خەڵكی).. ئیبراهیم گوتی: (حەز دەكەم نەوەكانیشم ئەم كارەیان پێ‌ بسپێررێت).. خودا لەوەڵامدا فەرمووی: پەیام‌و پەیمانی من بەزاڵم‌و ستەمكاران نادرێت).

هەروەها خودا فەرمویە: واتە: (ئێمــــە لە كتێبی -زەبوور- دا كە بۆ (داود)مان لەدوای زیكر (تەورات) ناردووە بڕیارمان داوە، كە خاوەنی زەوی لەدنیادا تەنها بەندە چاكەكانم دەبن).