ماڵپەری قورئانی پیرۆز

ئاماده‌کردنى : سانا شێرزاد.....پیاوێک خانوویه‌کى له‌یه‌کێ کڕى, ڕۆژێکیان پیاوه‌که‌ چاڵێکى له‌ناو ماڵه‌که‌ى هه‌ڵکه‌ند کوپێکى پڕ له‌ئاڵتونى دۆزییه‌وه‌, سه‌رى سوڕما وه‌بیرى کرده‌وه‌, به‌خۆى وت: من چى له‌م ئاڵتوونه‌ زۆره‌ بکه‌م؟!
له‌و کاته‌دا بیرى کابراى که‌وته‌وه‌ که‌خانووه‌که‌ى لێکڕیبوو خێرا چوو بۆلاى کابراى که‌ خانوه‌که‌ى لێکڕیبوو, له‌و کاته‌دا کوپه‌که‌ى به‌ده‌سته‌وه‌ بوو, وتى: تۆ خاوه‌نى ئه‌م کوپه‌ى, چونکه‌ له‌و ماڵه‌دا ده‌ستم که‌وت که‌له‌تۆم کڕى بوو, من زه‌ویم له‌ تۆ کڕیووه‌, نه‌ک ئاڵتون!
کابرا وتى: من خانووه‌که‌م به‌وه‌ى وا له‌ناویدا هه‌یه‌ پێم فرۆشتووى ئاڵتوونه‌که‌ مافى خۆته‌و په‌یوه‌ندى به‌منه‌وه‌ نییه‌!!
هه‌ردووکیان به‌رده‌وام بوون گۆفتوگۆ, سه‌ره‌نجام بڕیاریان دا بچن بۆلاى زانایه‌ک داوایان لێکرد که‌ دادوه‌رى له‌ نێوانیاندا بکات, مامۆستا زۆر سوپاسی هه‌ڵوێستى جوانى هه‌ردوکیانى کرد, پاشان کابرا وتى: ئایا هه‌رکام له‌ئێوه‌ منداڵى هه‌یه‌؟
یه‌کێکیان وتى: من کوڕێکم هه‌یه‌ ئه‌وى تریان وتى: من کچێکم هه‌یه‌, کابراى زاناو ژیر بۆچوونى خۆى پێ وتن, که‌ کچه‌که‌ ماره‌بکه‌ن له‌و کوڕه‌و ئه‌و ئاڵتوونه‌ ببه‌خشن به‌هه‌ردووکیان.
هه‌ردوو کابرا له‌سه‌ر ئه‌و بڕیاره‌ ڕێککه‌وتن, هه‌ریه‌که‌یان ئه‌وى ترى سوپاسکرد و خێزانێکى تازه‌یان له‌ نێو خۆیاندا دروست کرد.