ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
چاکه‌کردن و خێر به‌ڵا لاده‌با
نوسینى: د. عائض القرنى
وه‌رگێرانى: حمید مصطفى,سامان مصطفى
ئاماده‌کردنى: سانا حمدامین
چاکه‌کردن و خێر ده‌رگایه‌کى گه‌وره‌یه له ده‌رگاکانى سنگ فراوانى و ئاسوده‌یى, کردنى چاکه خواى مه‌زن ده‌یکاته هۆى سینه فراوانى بۆ خاوه‌نه‌که‌ى له دونیادا, و پرشنگ دارو به‌رچاوڕوونى ده‌کات, و خۆشگوزه‌رانى ده‌کات, چاکه‌و خێر بکه که‌ر که‌میش بىِ, ئه‌و خێره به‌که‌م مه‌زانه که ده‌یکه‌یت,
خورمایه‌ک بێ یان پارویه‌ک بێ یان چۆڕێ ئاو بێ یان قوومێ شیربێ, پێشکه‌شکه به هه‌ژاران, ببه‌خشه به‌بێ نه‌وایان, برسیه‌ک تێرکه, نه‌خۆشێک به‌سه‌رکه‌ره‌وه, ئه‌وکات ده‌بینى که په‌روه‌ردگارى پاک و بێگه‌رد خه‌م و په‌ستیت له‌سه‌ر سوک ده‌کات, دڵته‌نگیت نایه‌ڵێت, خێر و چاکه ده‌رمان و چاره‌سه‌رێکه ته‌نها له ده‌رمانخانه‌ى ئیسلامدا هه‌یه.
پیاوێ پرسى له عبدالله کوڕى موباره‌ک پێى وت:ئه‌ى عبدالرحمن زامێ له پاژنه‌م ده‌رهاتووه ماوه‌ى حه‌وت ساڵه, پرسیارم له پزیشکان کردووه, زۆر چاره‌سه‌رم به‌کارهێناوه, به‌لآم بێ سود بووه؟!
ابن مباره‌ک ووتى: بڕۆ له شوێنێ که‌خه‌ڵکى پێویستیان به‌ئاو هه‌بێ, له‌وێ بیرێ هه‌ڵکه‌نه, و هیوا خوازم ببێته کانیه‌کى هه‌ڵقوڵاو و برینه‌که‌ت له‌سه‌ر لابات, پیاوه‌که ئه‌مه‌ى جێ به‌جێ کرد و ڕزگارى بوو له‌برینه‌که.
ئه‌ى خوشکى به‌ڕێز سه‌یرنیه: که‌پێغه‌مبه‌رى خوا صلى الله علیه وسلم ده‌فه‌رموێ ((چاره‌سه‌رى نه‌خۆشیه‌کانت بکه به خێر و چاکه کردن)) . و ده‌ڵێ: ((خێر و چاکه توڕه‌یى خوا ده‌ڕه‌وێنێته‌وه و خراپ مردن لاده‌بات)).