ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
گه‌وره‌یى وچاکه‌ى یادى خوا
(عن أبي هريرة (رض ) قال: قال رسول الله (صلى الله عليه وسلم) (إن لله ملائكة يطوفون في الطرق, يلتمسون أهل الذكر, فإذا وجدوا قوما يذكرون الله تنادوا, هلموا إلى حاجتكم, قال فيحفونهم بأجنحتهم إلى السماء الدنيا, قال فيسألهم ربهم وهو أعلم بهم: ما يقول عبادي ؟ قال: يقولون: يسبحونك و يكبرونك و يحمدونك و يمجدونك, فيقول: هل رأوني ؟ قال: فيقولون: لا والله, ما رأوك . قال: فيقول: وكيف لو رأوني؟ قال: يقولون: لو رأوك كانوا أشد لك تحميدا وأكثر تسبيحا, قال: فيقول: فما يسألونني ؟ قال: يسألونك الجنة. قال: يقولون: وهل رأوها ؟ قال: يقولون: لو أنهم رأوها كانوا أشد عليها حرصا وأشد لها طلبا وأعظم فيها رغبة, قال: فمم يتعوذون؟ قال: يقولون: من النار. قال: يقول: وهل رأوها ؟ قال: يقولون: لو رأوها كانوا أشد منها فرارا, وأشد لها مخافة , قال: يقول: أشهدكم أني قد غفرت لهم , قال: يقول ملك من الملائكة: فيهم فلان , ليس منهم, إنما جاء لحاجة. قال: هم الجلساء لا يشقى بهم جليسهم ). (رواه البخاري و مسلم و الترمذي).
واته :
ئه‌بو هوره یره خوا لێى رازیى بێ ده‌فه‌رموێ: پێغه‌مبه‌رى خوا (د.خ) فه‌رمووى: خودا چه‌ند مه‌لائیکه‌تێکى گه‌ڕیده‌ى هه‌ن جگه له نووسه‌رانى کردارى مرۆڤ – (مسلم, ترمزيى ) ئالووده‌ى ئه‌و کۆرانه‌ن که یادى خودا ده‌که‌ن, کاتێ ئه‌و جۆره کۆمه‌لآنه ده‌دۆزنه‌وه,له‌گه‌ڵیان داده‌نیشن و به باڵه‌کانیان ده‌وریان لێ ده‌ده‌ن هه‌تا ده‌گاته ئاسمانى دنیا, که خه‌ڵکه‌که له زیکر بوونه‌وه ئه‌مانیش بۆ ئاسمان به‌رز ده‌بنه‌وه- (مسلم ) خواى گه‌وره لێیان ده‌پرسێ: بێگومان خۆى له‌وان زاناتره له کوێوه هاتوون؟ ده‌ڵێن : لاى چه‌ند به‌نده‌یه‌کته‌وه له‌سه‌ر زه‌وى یه‌وه هاتووین ,(مسلم ) خواى گه‌وره ده‌فه‌رموێ : ئه‌و به‌ندانه‌م چى ده‌ڵێن ؟ وتیان: (سبحان الله, الله اكبر, الحمد لله, لا إله إلا الله ) ده‌که‌ن, خوا ده‌فه‌رموێ: جا ئایا منیان دیوه؟ ده‌ڵێن: نه‌خێر, سوێند به‌خوا تۆیان نه‌دیوه, خوا ده‌فه‌رموێ: ئه‌ى ئه‌گه‌ر بمبینن چۆنه؟ ده‌ڵێن: ئه‌گه‌ر بتبینن ئه‌وا بێگومان زیاتر و چاکتر ده‌تپه‌رستن و به‌رده‌وام تر و به گه‌وره‌تره‌وه ته‌سبیحات و ئه‌لحه‌مد و لا إله إلا الله ده‌که‌ن ئینجا خوا ده‌فه‌رموێ: ئه‌و به‌ندانه‌م چ داوایه‌کم لێ ده‌که‌ن؟ ئه‌ڵێن: ئه‌ى خوایه داواى به‌هه‌شتت لێ ده‌که‌ن, خوا ده‌فه‌رموێ: جا ئایا به‌هه‌شتیان دیوه؟ ده‌ڵێن: نه‌خێر, به‌خودا ئه‌ى په‌روه‌ردگار نه‌یاندیوه, خوا ده‌فه‌رموێ: جا ئه‌گه‌ر بیان دیایه چۆن ده‌بوو؟ ده‌ڵێن : خۆ ئه‌گه‌ر بیان دیایه ئه‌وا بێگومان زیاتر تامه‌زرۆى ده‌بوون و هه‌ڵپه‌یان بۆ ده‌کرد و, زیاتر داوایان ده‌کرد..ئینجا خوا ده‌فه‌رموێ: ئه‌ى له چیى په‌نام پێ ده‌گرن ؟ فریشته ده‌ڵێن: ئه‌ى خوایه له ئاگرى دۆزه‌خ, خوا ده‌فه‌رموێ: جا ئایا دیویانه؟ ده‌ڵێن: نه‌خێر,به‌خوا ئه‌ى په‌روه‌ردگار نه‌یان دیوه ئینجا خوا ده‌فه‌رموێ: ئه‌ى ئه‌گه‌ر بیبینن چۆن ده‌بێ ؟ ده‌ڵێن: خۆ ئه‌گه‌ر بیبینن ئه‌وا زیاتر لێى ده‌ترسن و توندتر لێى هه‌ڵدێن, ده‌ڵین ئه‌ى خوایه داواى لێ خۆش بوونت لێ ده‌که‌ن.
خواى گه‌وره‌ش ده‌فه‌رموێ: ده‌ى ئێوه به‌شایه‌ت بن وامن لێیان خۆش بووم وا ئه‌وه‌یشى لێم داوا ده‌که‌ن پێم به‌خشین و په‌نایشم دان له‌وه‌ى که لێى ده‌ترسان( – مسلم ) یه‌کێک له فریشته‌کان ده‌ڵێ: ئه‌ى خوایه! فلآنه‌که‌سیان تێدایه, خراپکاره و بۆ کارێکى تر هاتبوو له‌وێوه تێپه‌ڕى و له‌گه‌ڵیان دانیشت, خوا فه‌رمووى : ئه‌وانه کۆمه‌ل و هۆزێکن هه‌رکه‌س له‌گه‌ڵیان دانیشێ بێ به‌ش و به‌د به‌خت نابێت و له‌به‌ره‌که‌ت به‌هره‌مه‌ند ده‌بێ.