ماڵپەری قورئانی پیرۆز

نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئایەتەكە : (بخاری) و (مسلم) و ئەوانی دی لە (ابن ذر) ەوە دەگێڕنەوە، دەڵێت : ئەم ئایەتە سەبارەت بە (حمزە) و (عبیدە) و (علی) كوڕی (أبی طالب) و

(عتبە) و (شبیە) و (ولید) ی كوڕی (عتبە) هاتە خوارەوە. هەروەها (حاكم) لە (علی) یەوە دەگێڕێتەوە ، دەڵێت : ئەم ئایەتە : {هذانِ خَصْمانِ اخْتَصَمُوا فِي رَبِّهِمْ } سەبارەت بەو كەسانە هاتەخوارەوە كەلە ڕۆژی جەنگی (بدر) دا زۆرانبازی یان كرد، بە (حمزە) و (علی) و (عبیدە) ی كوڕی (حارث) و (عتبە) و (شبیە) ی كوڕی (ربیعە) و (ولید) ی كوڕی (عتبە). هەروەها (إبن جریر) لە (إبن عباس) ەوە دەگێڕێتەوە ، دەڵێت : ئەم ئایەتە سەبارەت بە كتێبدارانی پێشوو هاتە خوارەوە كە بە باوەردارانیان دەوت : ئێمە نزیكترین لە خواوە تا ئێوە،كتێبەكەشمان بەر لە كتێبی ئێوە نازڵ بووە و ، پێغەمبەریشمان لەپێش ئێوە بۆ ڕەوانەكراوە !! باوەڕدارانیش وتیان : ئێمە نزیكترین لە پەروەردگار ، ئێمە باوەڕمان بە (محمد) هێناوە لەگەڵ پێغەمبەرەكانی ئێوە و ، باوەرمان بە سەرجەم ئەو كتێبانە هەیە كە نێردراوەتە خوارەوە !! (ابن ابی حاتم) یش لە (قتادە) وە هەر هەمان رووداو دەگێڕێتەوە.