ماڵپەری قورئانی پیرۆز

ڕۆژ بەڕۆژ دۆزینەوەکان سەبارەت بە لەشی مرۆڤ لە زیادبووندایە، دۆزراوەتەوە کە لەشی مرۆڤ لە (37.2 بلیۆن) خانە پێکدێت، کە ئەم خانانە ناتوانرێت بە چاوی ئاسایی ببینرێت.

لە ناو هەموو خانەیەکیشدا نەخشەیەک هەیە نەک تەنها وەسفی خانەکە بەڵکوو وەسفی بارودۆخی هەموو ئەندامەکانی لەشمان دەکات، ئەمەیە کە زانایان ناوینا ناوە ترشی ناوەکی (DNA).

زانیاریەکان لە ناو (DNA)دا خەزن کراوە بەشێوەی کۆد کە لە چوار بنچینەی کیمیایی پێکهاتووە، ئەوانیش:

ئەدینین (A)، گوانین(G)، سایتۆسین(C) و سایمین(T)

کە لە هەر (DNA)یەکدا خەمڵێنراوە کە 3 ملیار لەم بنچینە کیمیاییە هەیە کە لە سەدا (99)ی ئەم بنچینانە هاوشێوەن لە هەموو مرۆڤێکدا، ئەو جیاوازیانەی لە نێوان مرۆڤەکاندا هەیە ئەنجامی ئەو لەسەدا(1)یە، 

ڕیزبوونی ئەم کۆدانە زانیاری پێویست دەدات، وەک: ڕەنگی قژ، شێوەی دەم و چاو، قەبارەی لووت و ...هتد

بۆ نمونە چاوی شین کۆدەکەی بەم شێوەیەیە (ATCGTT)، یان چاوی قاوەیی بەم شێوەیەیە (ATCGCT).

هەروەها بە پێی توێژینەوەیەک کە لە زانکۆی هارڤەرد کراوە بۆ هەر (یەک ملیمەتر سێجا) لە (DNA) دەتوانرێت بڕی؛ 5.5 پێتابایت (پێنج ملیۆن و نیو گێگابایت) زانیاری تیا خەزن بکرێت کە هەر پێتابایتێک 500 ملیار پەڕەی پڕ لە زانیاری دەگرێت،

سبحان الخالق المبدع

وه‌رگیراوه‌ /له‌ په‌یجی گۆڤاری هه‌یڤ //گۆڤاری هەیڤ Govary Haiv