ماڵپەری قورئانی پیرۆز

٢- شوێنى حەج مەككەیە كە خواى گەورە ناوى ناوە شارى ئاسايش ( وهذا البلد الأمين ) ، لەم شارە کەعبەی لێیە كە ماڵی خوایە کە بۆ خەڵكى كراوەتە شوێنى ئاسايش ( وإذ جعلنا البيت مثابة للناس وأمنا) ئەوەی بێتە ئەم شوێنە هەست بە امن و امان دەکات ( ومن دخله كان امنا).

٣- لەم كات و شوێنە پيرۆزە نابێ شەڕ و كوشتار بكرێت، نابێ ڕاو بكرێت و گيانلەبەران بكوژرێن ، نابێ دار و درەخت ببڕێت ، نابێ جوێن و شەڕە قسە و مناقەشەى بێ سوود و جدال ئەنجام بدرێت لەگەڵ هيچ کەسێك، نابێ دەست درێژى بۆ سەر هيچ کەسێك بكەیت تەنانەت نابێ خێزاندارەكان لێك نزيك ببنەوە ، چ جاى خەڵكى بێگانە ، بە ڕاستى ئەوە سلام و ئاشتییە ، ئاشتى لەگەڵ ژينگە لەگەڵ خەڵك .پێش ڕۆيشتنت بۆ حەج دەبێت ئاشتەوایی و گەردن ئازادی بكەيت لەگەڵ دەوروبەرت ، لەوێش هەر خەريكى ئاشتى بێت لەگەڵ خۆت و ناخت، لەگەڵ دەوروبەرت. 

٤- حەج كردن خولێكى پەروەردەييە بۆ ڕاهێنانى موسڵمانان لەسەر صبر وحلم و رفق وتسامح و پێکەوە ژيان و ڕێزگرتن لە یەكترى وانضباط و عفو و صفاء وامن وامان و سلم وسلام ، خشوع وبر وحسن الخلق وتواضع وتضحية و زۆر شتى تريش

٥- حەج كردن کۆمەڵێك آياتي زۆر گرنگى تێدایە بۆ مرۆڤەكان ، لەوانە ڕێژەى تاوان و دەست درێژى كردن ئەگەر هەبێت بە پۆينتات دەبێ لە چاو ئەم چەند مليۆن کەسەى كە تيايدا ئامادە دەبن ناكاتە هيچ.

 بە كورتى لە كاتى حەج إعلاني ئاشتى دەکەيت لەگەڵ هەموو کەسێك و هەموو شتێك تەنها لەگەڵ شەيتان نەبێت کە إعلاني جەنگ و عەداوەت و ناتەبايی دەکەيت چونكە دوژمنێكى ئاشكرایە بۆ هەموو مرۆڤێك.