ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
به‌هێمنی هه‌ڵسوکه‌وت بکه
ئا: پاکزاد به‌ڕانه‌یی......زانستی پزیشکی نوێ سه‌لماندوویه‌تی که زۆرێک له نه‌خۆشییه ئه‌ندامییه‌کانى مرۆڤ له وێنه‌ى (به‌رزبوونه‌وه‌ى فشاری خوێن) و ره‌بۆ و ژانه‌سه‌ر و بچووکبوونه‌وه‌ى کۆلۆن و گه‌ده و هتد... له‌گه‌لێک باردا به‌هۆى دڵه‌ڕاوکێو ئاڵۆزی بارى ده‌روونى و گرژی ده‌ماره‌کانى که‌سه‌که روو ده‌ده‌ن، جا بۆ ئه‌وه‌ى ده‌رونێکی ئاسوده‌و هێمنت هه‌بێ ره‌چاوی ئه‌م خالآنه بکه.
*خۆت به‌دوور بگره له بیرکردنه‌وه‌ى به‌رده‌وام و بێ پچڕان، ئه‌گه‌ر کاری ئێجگار زۆریشت هه‌بوو پشوودان له‌بیر مه‌که با بۆ ماوه‌یه‌کی که‌میش بێ.
*سود له رۆژانی بێ ئیشی و پشووت وه‌ربگره له‌حه‌وانه‌وه‌ى رۆحی و پیاسه‌و گه‌شتى شوێنی دڵگیرو ئارام و دورو له ژاوه‌ژاو.
*هه‌رکات زوو هه‌ستت به‌ماندووێتی و ژانه‌سه‌ر کرد، ئه‌وه زه‌نگی شه‌که‌تبوونه‌و بزانه زیاد له پێویست خۆت
ماندوو کردوه‌و پێویستت به پشودانی زۆرتر هه‌یه‌و هه‌رچۆنێک بێ کاتی زۆرتر بره‌خسێنه تاماندووبوونه‌که ده‌رکه‌یت.
*له‌کاتى له‌خه‌وهه‌ستان ئه‌گه‌ر زۆر هه‌ستت به‌بێتاقه‌تی و پشێوی کرد، ئه‌وه مانای وایه ده‌بێ زووتر بخه‌ویت و تازیاتر مێشک و ده‌روونت ئیسراحه‌ت بکه‌ن.
* زوو هه‌ڵچونت له‌ده‌می ئیشکردنتدا، به‌ڵگه‌ى ئه‌وه‌یه له‌زیاد له‌تواناى خۆت کارده‌که‌یت و ماندوو ده‌بی، یاخود به‌پێچه‌وانه‌وه کاره‌کانت وه‌کو پێویست راناپه‌ڕێنی و هه‌قی پێناده‌ى، بۆیه هه‌وڵ بده هه‌رده‌م توانا زاتییه‌کانى خۆت بناسیت و هاوسه‌نگییه‌که رابگریت.
*خۆت له دڵه‌ڕاوکێ به‌دوور بگره به‌مه‌شقکردن له‌سه‌ر ئارامی و بیرکردنه‌وه‌ى جوان و مه‌نتیقی.
سه‌رچاوه. ر (الاتجاه الاخر).