ماڵپەری قورئانی پیرۆز

ئێمە لێرەدا هەڵوێستەیەكی خێرا دەكەین لەسەر 

زانایان دەڵێن: لەژێر پێستی مرۆڤدا خانە جاڵجاڵۆكەییەكان هەن، واتە لەسەر شێوەی جاڵجاڵۆكەن، لە بەشەكانیدا زیادەی تەنك درێژبوونەتەوە... لەهەر بستێك دووجادا ژمارەی ئەم خانانە دەگەنە (60 هەزار) خانە، لەڕاستیدا لەژمارەی خانەكاندا جیاوازی لەنێوان سپی و ڕەشدا نییە، خانەكانی كەسێكی سپی پێست و كەسێكی ڕەنگێكی تر ژمارەیەكی جێگیرە، بەڵام ڕەنگكردنەكە لە چڕی ماددە ڕەنگاوڕەنگەكەوەیە، ئەو ماددە ڕەنگاوڕەنگەش پێیدەوترێت "میلانین".

لەنێوان كەسێكی ڕەنگ كراوە و كەسێكی ڕەنگ تاریكدا جیاوازییەك لەنێوان ماددە ڕەنگاوڕەنگەكەدا هەیە كە زیاتر نییە لە (یەك گرام)، بەڵام ئەوەی سەرنج ڕادەكێشێ‌ ئەوەیە كە ئەو خانانە هەموو 10 ساڵێك بەتێكڕایی (10-20%) كەم دەكەن، لەبەرئەوە پێستی مرۆڤ لەگەڵ تێپەڕبوونی تەمەنیدا بەرەو ڕوونبوونەوە و زیاتر سپێتی دەچێت. مەبەستی ئێمە ئەوەیان نییە، بەڵكو مەبەستمان نیشتنی ئەو ماددە ڕەنگاوڕەنگەیە لە خانە جاڵجاڵۆكەییەكانی ژێر پێستدا كە ژمارەیان لەهەر بستە دووجایەكدا دەگاتە (60 هەزار) خانە... ڕێژەی ئەم ماددەیە (موروپات)ی ناوەكی خانە دیاری دەكەن.

بەڵام پەیوەندییەكە كامەیە؟ لێكدانەوەی ئەو ڕەنگە تاریك و تۆخەی ئەو گەلانە چییە كە لەهێڵی یەكسانیدا دەژین؟ لەكاتێكدا ئەو گەلانەی لە جەمسەری باكور یان باشوری زەویدا دەژین ڕەنگیان كاڵ و ڕووناكە؟ لێرەدا حیكمەتی خوای پەروەردگار دەردەكەوێت.

وتراوە: لە سیفەتەكانی ماددەی تاریك ئەوەیە تیشكی سەرووەنەوشەیی زیانبەخش دەمژێت، لەبەرئەوەش كە تیشكی خۆر لە هێڵی یەكسانیدا ستونی و بەهێزە، بۆیە گەلانی ئەو ناوچەیە ڕەنگ تاریكن.

هەنووكەش دەگەڕێینەوە بۆ ئایەتەكە:{وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ إِنَّ فِي ذَلِكَ لَآيَاتٍ لِلْعَالِمِينَ (22)} [الروم]

جیاوازی ڕەنگی مرۆڤەكان نیشانە و بەڵگەیە لەسەر مەزنی پەروەردگار، پێویستە وردەكاریی تێدا بكەین و هەڵوەستەی لەسەر بكەین و لەدووی نهێنیەكەی بگەڕێین.