ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه‌کان له‌کاتى ته‌یه‌مموم کردندا . (١) بیروباوه‌ڕ به‌وه‌ى که له‌شگران نابێ نوێژ بکات هه‌تا خۆی نه‌شوات:
وه‌رگێڕانى : ناصح ئیبراهیم سازانى / هه‌ندێ که‌س واده‌زانن له‌شگران هه‌رگیز بۆی نیه نوێژ بکات هه‌تا خۆی نه‌شوات ئه‌گه‌ر ئاو نه‌بوو خۆی پێ بشوات ئه‌وا پێویسته له‌سه‌رى چاوه‌ڕێ
بکات هه‌تا ئاوی ده‌ست ده‌که‌وێت, به‌وه‌ش چه‌ند نوێژێکى ده‌که‌وێت به‌سه‌ردا که نه‌یکردوون, به‌ڵکو چه‌ند رۆژێک به‌و شێوه‌یه چاوه‌ڕێ ده‌کات به‌بێ ئه‌وه‌ى نوێژه‌کانى بکات, ئه‌مه‌ش تێگه‌یشتنێکى هه‌ڵه‌یه.. چونکه له‌شگران ئه‌گه‌ر ئاوى ده‌ست نه‌که‌وت ده‌بێت ته‌یه‌مموم بکات پاشان نوێژه‌که‌ى بکات, ئه‌گه‌ر له‌دوایدا ئاوى ده‌ستکه‌وت ئه‌و کاته خۆی بشوات و نوێژ بکات ئه‌و نوێژانه‌ش نه‌گێڕێته‌وه که به ته‌یه‌مموم کردوونى.له (عمران كوڕي حصين)وه (ره‌زاى خواى لێ بێ) هاتووه, که وتویه‌تى: له‌گه‌ڵ پێغه‌مبه‌ردا (صلى الله علیه وسلم) له سه‌فه‌رێکدا بووین پیاوێکى بینى دوورى گرتبوو نوێژى له‌گه‌ڵ خه‌ڵکدا نه‌کرد, جا پێی فه‌رموو: (يَا فُلَانُ مَا مَنَعَكَ أَنْ تُصَلِّيَ فِي الْقَوْمِ). واته: ئه‌ى فلآن که‌س چى واى لێ کردیت له‌گه‌ڵ خه‌ڵکدا نوێژ نه‌که‌یت؟. وتى: ئه‌ى پێغه‌مبه‌رى خوا (صلى الله علیه وسلم) تووشی له‌شگرانى بووم و ئاو نیه, پێغه‌مبه‌ر (صلى الله علیه وسلم) فه‌رمووى: (عَلَيْكَ بِالصَّعِيدِ فَإِنَّهُ يَكْفِيكَ) . واته: ته‌یه‌مموم به‌سه‌ر زه‌وى بکه, چونکه ئه‌وه‌ت به‌سه. واته: جێگه‌ى ئاوت بۆ ده‌گرێته‌وه.