ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(عومه‌یری كوڕی وه‌هه‌ب) شه‌یتانی نه‌فامی و حه‌واریی ئیسلام .(بەشی یەكەم)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ لە رۆژی بەدردا، یەكێك بوو لەو سەركردانەی قوڕەیش كە شمشێریان بۆ هەڵمەتبردنە سەر ئیسلام
بەدەستەوە گرتبوو.پیاوێكی دوور بینی مەزەندە كاربوو، هەر بۆیە هۆزەكەی دایاننابوو تا سەرنج بدات و ژمارەی ئەو موسڵمانانەی لەگەڵ پێغەمبەردا هاتوون بۆ رووبەڕووبوونەوەیان بزانێت و، سەیر بكات لە پشتیانەوە بۆسە یان هێزی كۆمەككار هەیە.جا (عومەیری كوڕی وەهەبی جەمەحی) بەئەسپەكەیەوە كەوتەڕێ و بەدەوری سەربازگەی موسڵمانەكاندا سوڕایەوە و، دواتر گەڕایەوە بۆ لای هۆزەكەی و پێی وتن: (سێ سەد كەسن، كەمێك زیاترە یان كەمتر)، لە راستیدا مەزەندەكەی راست بوو، لێیان پرسی: ئەی هێزی كۆمەككاریان لە پشتەوە هەیە؟ لە وەڵامیاندا وتی:{هیچمان لە پشتیانەوە بەدی نەكرد.. بەڵام ئەی خەڵكی قوڕەیش، سوارانێكم بینی مردنێكی حەتمیان هەڵگرتبوو لەگەڵ خۆ.. كەسانێكن جگە لە شمشێرەكانیان هیچ بەربەست و پەناگەیەكیان نیە..سوێند بەخوا وای دەبینم پیاوێكیان لێ ناكوژرێت تا یەكێكی لێ نەكوشتبین، خۆ گەر هێندەی ژمارەی خۆیانیان لێ كوشتین، ئەوا لەدوای ئەوە ژیان چ خۆشیەكی تێدایە..؟؟ئێوەش بیروڕای خۆتان تاوتوێ بكەن}..