ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌و سه‌رپێچیانه‌ى په‌یوه‌ندیان به بانگدانه‌وه هه‌یه. (٢) بیروباوەڕ بەوەی كەسی تەنیا نابێت بانگ بدات:
وه‌رگێڕانى : ناصح ئیبراهیم سازانى / هه‌ندێ له نوێژخوێنان بیروباوه‌ڕیان وایه ئه‌گه‌ر که‌سێک ته‌نیا بوو نابێت بانگ بدات, ئیللا له‌گه‌ڵ کۆمه‌ڵدا نه‌بێت, ئه‌مه‌ش هه‌ڵه‌یه. له ئه‌بو سه‌عیدى خودریه‌وه (ره‌زاى خواى لێ بێ) هاتووه, که
وتویه‌تى: پێغه‌مبه‌رى خوا (صلى الله علیه وسلم) پێى فه‌رمووم: (إِنِّي أَرَاكَ تُحِبُّ الْغَنَمَ وَالْبَادِيَةَ فَإِذَا كُنْتَ فِي غَنَمِكَ أَوْ بَادِيَتِكَ فَأَذَّنْتَ بِالصَّلَاةِ فَارْفَعْ صَوْتَكَ بِالنِّدَاءِ فَإِنَّهُ لَا يَسْمَعُ مَدَى صَوْتِ الْمُؤَذِّنِ جِنٌّ وَلَا إِنْسٌ وَلَا شَيْءٌ إِلَّا شَهِدَ لَهُ يَوْمَ الْقِيَامَةِ) . واته: من ده‌تبینم حه‌زت له ئاژه‌ڵدارى و ده‌رو ده‌شته, جا هه‌رکاتێک له‌ناو مه‌ڕه‌کانتا یان له‌ناو ده‌شته‌که‌تدا بوویت کاتى نوێژ هاته پێشه‌وه به‌ده‌نگى به‌رز بانگ بده, چونکه جنۆکه و ئاده‌میزاد و هه‌رچی شت هه‌یه که ده‌نگى بانگبێژیان بیست, رۆژی دوایی شایه‌تى بۆ ده‌ده‌ن. هه‌روه‌ها ده‌فه‌رموێت: (يَعْجَبُ رَبُّكَ عَزَّ وَجَلَّ مِنْ رَاعِي غَنَمٍ فِي شَظِيَّةٍ بِجَبَلٍ يُؤَذِّنُ لِلصَّلَاةِ وَيُصَلِّي، فَيَقُولُ اللَّهُ عَزَّ وَجَلَّ: اُنْظُرُوا إلَى عَبْدِي هَذَا يُؤَذِّنُ وَيُقِيمُ لِلصَّلَاةِ يَخَافُ مِنِّي فَقَدْ غَفَرْت لِعَبْدِي وَأَدْخَلْتُهُ الْجَنَّةَ) . واته: په‌روه‌ردگارى به‌ده‌سه‌لآت و به‌توانات (معجب)ه به‌و شوانه‌ى به بنارى شاخێکه‌وه ئاژه‌ڵ ده‌له‌وه‌ڕێنێ, کاتێ که کاتی نوێژ هات بۆخۆی بانگ ده‌دات و نوێژ ده‌کات, خواى گه‌وره ده‌فه‌رموێت: سه‌یری ئه‌و به‌نده‌یه‌م بکه‌ن بانگ ده‌دات و نوێژ ده‌کات, ئه‌و له من ده‌ترسێت, ئه‌وا منیش لێی خۆش بووم و ده‌یخه‌مه به‌هه‌شته‌وه.پێشه‌وا شه‌وکانى (ره‌حمه‌تى خواى لێ بێ) ده‌ڵێ: ئه‌م فه‌رموده به‌ڵگه‌یه له‌سه‌ر شه‌رعیه‌تى بانگدان بۆ که‌سێک که ته‌نیا بێت به‌ڵگه‌یه بۆ ره‌دی ئه‌و که‌سانه‌ى که ده‌ڵێن: شه‌رعیه‌تى بانگدان تایبه‌ته به کۆمه‌ڵه‌وه, ئه‌وه‌شى لێ وه‌رده‌گیرێت که بانگدان هۆکارێکه بۆ لێی خۆش بوونى تاوان .