ماڵپەری قورئانی پیرۆز

نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئایەتەكە : (بخاری) و (مسلم) و ئەوانی دیكە لە خاتوو (عائیشە) ەوە دەگێڕنەوە ،دەڵێت : پێغەمبەری خوا (صلی الله علیه وسلم) ئەگەر نیازی سەفەری ببوایە،

تیروپشكی دەكرد لەنێوان خێزانەكانیدا، ناوی هەركامیان لەتیروپشكە كەدا دەربچووایە، ئەوەیانی دەبرد لەگەڵ خۆی دا ،لەیەكێك لە غەزاكاندا تیروپشكی لەنێوانماندا كرد و ناوی من دەرچوو،ئەمەش كاتێك بوو باڵاپۆشی هێشتا بەپێویست نەگەڕابوو، منیش لەناو كەژاوەكەمدا هەڵیان دەگرتم،هەر لەناویشیدا بووم كاتێ دایاندەگرتم ،رۆیشتین تا پێغەمبەری خوا (صلی الله علیه وسلم) تەواو بوو لەغەزاكە و كاروانی رێك خستەوە و نزیك بوویەوە لە (مەدینە) شەو رێی پێداین بە رۆیشتن ،منیش هەستام و رۆیشتم تا لەسوپاكە دووركەوتمەوە ، پاش ئەوەی پێویستی خۆمم ئەنجامدا، بەرەو لای كاروان و بارەكە گەڕامەوە ، ئنجا دەستمدا لە سنگم دیتم ملوانكەكەم بچڕاوە،ناچار بەشوێن پێی خۆمدا گەڕامەوە هەتا ملوانكەكەم بدۆزمەوە،بەدوادا گەڕانم دوایخستم كە بگەڕێمەوە، ئەو كەسانەی كەژاوەكەیان هەڵدەگرت ، هاتبوون و خستبوویانەوە سەر وشترەكە و پێیان نەزانی بوو لەناویدانیم ، چەنكە ئافرەتان كێشیان كەم بوو و قەڵەو نەبوون ،بەهۆی خواردنی نانی سادە و نەبوونی یەوە. ئنجا وشترەكەیان تاودابوو رۆیشتبوون ، كاتێك ملوانكەكەم دۆزیەوە سوپاكە رۆیشتبوو، منیش چوومە شوێنی سوپاكە ، هانا و پەنایەكی لێنەبوو ، گومانم وابوو خەڵكەكە هەست بە نەبوونی من دەكەن و دەگەڕێنەوە بەدوامدا . لەكاتێكدا دانیشتبووم لەجێگەكەی خۆمدا خەو زۆری بۆهێنام و نوستم..