ماڵپەری قورئانی پیرۆز

خۆر لە خولەكێكدا كێشی كەم دەكات بەبڕی:

                        5000000 × 60 = 300000000 تەن

 لە كاتژمێرێكدا:    300000000 × 60 = 18000000000 تەن

   لە ڕۆژێكدا:    18000000000 × 24 = 157.680000000000 تەن

   لە ماوەی پێنج هەزار ملیۆن ساڵدا:

    157680000000000 × 5000000000 = 78840000000000000000 تەن (حەوت سەد و هەشتا و هەشت ملیۆن و چوارسەد كوادریلیۆن تۆن) (كوادریلیۆن بریتیە لە 1 كە لای ڕاستیەوە 15 سفر هەبێت).

زانست سەلماندوویەتی خۆر كۆتایی هەیە، ئەویش بەهۆی ئەو كەمبوونەی لە بارستەكەیدا ڕوودەدات، ئەم ڕاستیە بەڕوونی لە قورئانی پیرۆزدا ئاماژەی پێدراوە:{وَجُمِعَ الشَّمْسُ وَالْقَمَرُ (9)} [القيامة]، واتە: خۆر و مانگ كۆدەكرێنەوە و دەدرێن بەیەكدا. 

بەڵام ئایا ئەو كۆكردنەوەیە كەی و چۆن دەبێت؟ 

{فَإِذَا بَڕقَ الْبَصَرُ (7) وَخَسَفَ الْقَمَرُ (8) وَجُمِعَ الشَّمْسُ وَالْقَمَرُ (9) يَقُولُ الْإِنْسَانُ يَوْمَئِذٍ أَيْنَ الْمَفَرُّ (10) كَلَّا لَا وَزَرَ (11) إِلَى رَبِّكَ يَوْمَئِذٍ الْمُسْتَقَرُّ (12)} [القيامة] واتە: كاتێك دێت، چاو ئەبڵەق دەبێت، مانگیش دەگیرێت و تاریك دەبێت (ئەویش هەڵدەوەشێت)، (یاسای بوونەوەر تێكدەچێت) خۆر و مانگ كۆدەكرێنەوە و دەدرێن بەیەكدا. ئەو ڕۆژە مرۆڤ دەڵێت:  (ئەی هاوار) بۆ كوێ ڕابكەم، لەكوێوە خۆم ڕزگار بكەم. نەخێر ئیتر دەربازبوون نییە، تۆ دەبێت ئیتر لای پەروەردگارت ئامادەبیت و لەوێ ئۆقرە بگریتت (بۆ لێپرسینەوە). 

زۆر ئایەتی تریش كۆتایی خۆر دەسەلمێنن: 

{إِذَا الشَّمْسُ كُوِّرَتْ (1) وَإِذَا النُّجُومُ انْكَدَرَتْ (2)} [التكوير] واتە: كاتێك خۆر دەپێچرێتەوە و ڕووناكی نامێنێت، كاتێكیش ئەستێرەكان (لە خولگەی خۆیان) دەترازێن و دەدرێن بەیەكدا.

(قتادە) دەڵێت:(تكویر) لە ئایەتەكەدا واتە: ڕووناكی نامێنێت. كۆتایی ئەستێرەش وەك كۆتایی خۆر وەهایە، چونكە خۆریش یەكێكە لە ئەستێرەكان:واتە: دەكەونە خوارەوە و درەوشانەوە و ڕوونی نامێنێت و بەخێرایی لەناودەچن و پەرش دەبنەوە. 

ئەم ڕاستییە زانستییانە دەربارەی خۆر، قورئانی پیرۆز بە ڕوونی و ئاشكرایی باسی لێوەكردوون، ئایا ئەوە بەس نییە وەك بەڵگە لەسەر ڕاستی و دروستی و دوابەدوای ئەوەش لەسەر ڕاستی و دروستی هەموو ئەوەی لەقورئاندا هەیە؟