ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
چـیرۆكی مانگاكـەی (بنو اسـرائیل)..چیرۆكه قورئانیه‌كان
نووسینی /د.صلاح عبدالفتاح الخالدی // نووسینگه‌ی ته‌فسیر ///ئەم چیرۆكە لە قورئاندا بەم شێوەیە گێڕاوەتەوە كە خودا فەرموویەتی:له سوره‌تی به‌قه‌ره واتە: (ئەی پێغەمبەر ئەو بەسەرهاتەیان بۆ بگێڕەوە، كاتێك (موسا) بە گەلەكەی خۆی گوت: ئەوا خودا فەرمانتان
پێ دەكات، كە مانگایەك سەرببڕن (ئەو فەرمانەش دوای ئەو رووداوە هات، كە یەكێكیان لێ كوژرابوو‌و بكوژەكەیان نەدەناسی‌و هاناو هاواریان بۆ موسا بردبوو)و موساش ئەو فەرمانەی خودای پێ راگەیاندن كە با مانگایەك سەرببڕن، بەڵام ئەوان لەوەڵامدا گوتیان: (ئایا دەمانكەیتە گاڵتەجاڕی خۆت)؟ موساش گوتی: (پەنا بەخوا دەگرم لەوەی بچمە ریزی نەفام‌و جاهیلانەوە- لەوەی كە گاڵتەتان بكەم‌و لە خۆمەوە فەرمانی خوداتان پێ بگەیەنم). گوتیان: (دەباشە داوا لەخودای پەروەردگارت بكە تابۆمان دیاری كات كە ئاخۆ ئەو مانگایە چۆنە)، موساش گوتی: (خودا دەفەرمووێت ئەو مانگایە نەپیرەو نەپارێنە، بەڵكو میانە ساڵە، كەواتە (هێندە لێی مەكۆڵنەوە)و هەر فەرمانێكتان پێ دراوە جێبەجێ بكەن) بەڵام دووبارە گوتیان: (داوا بكەرەوە لە پەروەردگارت رەنگەكەیمان بۆ دیاری بكات) موساش گوتی (خودا دەفەرمووێـت ڕەنگی ئەو مانگایە زەردی تۆخەو لە جوانیی ڕەنگەكەیدا بینەرانی دڵخۆش دەبن) كەچی لێیان پرسییەوەو گوتیان: (لە پەروەردگارت داوابكە تا بەتەواوەتی بۆمان ڕوون بكاتەوە، كە ئەمە چۆن مانگایەكە؟ بەراستی ئێمە بۆمان نادۆزرێتەوەو، ئەگەر خودا خواستی لەسەربێت دەیدۆزێتەوەو رێگەكەی پێ دەزانین) (موسا)گوتی: (ئەو مانگایە هێشتا رانەهێنراوە بۆ جووتكردن‌و زەوی كێڵان‌و ئاودێریی كشتوكاڵیی پێ نەكراوە، یەك رەنگەو پەڵە پەڵەنییەو رەنگی زەردە)..