ماڵپەری قورئانی پیرۆز

نووسینی /سه‌ره‌وه‌رحسن //نووسینگه‌ی ته‌فسیر ///لەئایەتەكانی قورئانی پیرۆزدا زۆرجار وشەی سەوزایی (الخضرە) هاتووە، كە باسی بارودۆخی بەهەشتیەكان دەكات لەو بەخششانەی كە پێیان دراوە، لە كەشێكی بڵند لە ئاسوودەیی و چێژ و ئارامیی دەروونی..

. خوای گەورە دەفەرموێت:{مُتَّكِئِينَ عَلَى رَفْرَفٍ خُضْرٍ وَعَبْقَڕيٍّ حِسَانٍ (76)} [الرحمن] واتە: شانیان داداوە لەسەر فەرش و ڕاخەری سەوزباوی جوان كە هەموو دەڵێی كەسێكی (بلیمەتی) جوانكار دروستیكردوون. هەروەها دەفەرموێت:{أُولَئِكَ لَهُمْ جَنَّاتُ عَدْنٍ تَجْڕي مِنْ تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِنْ ذَهَبٍ وَيَلْبَسُونَ ثِيَابًا خُضْرًا مِنْ سُنْدُسٍ وَإِسْتَبْرَقٍ مُتَّكِئِينَ فِيهَا عَلَى الْأَرَائِكِ نِعْمَ الثَّوَابُ وَحَسُنَتْ مُرْتَفَقًا (31)} [الكهف]، واتە: پۆشاكی سەوزی جوان دەپۆشن كە دوو توێیە، چینی ژێرەوە (ئاوریشمی) ئەستورە، چینی سەرەوە (ئاوریشمی) تەنكە. یان دەفەرموێت:{عَالِيَهُمْ ثِيَابُ سُنْدُسٍ خُضْرٌ وَإِسْتَبْرَقٌ وَحُلُّوا أَسَاوِرَ مِنْ فِضَّةٍ وَسَقَاهُمْ رَبُّهُمْ شَرَابًا طَهُورًا (21)} [الإنسان]، واتە: پۆشاكی (بەختەوەران) ئاوریشمی سەوزی تەنكە كە بەسەر پۆشاكی ئاوریشمی ئەستوردا لەبەریان كردووە، هاوڕێ‌ لەگەڵ بازنی زیوی (تایبەتدا) ئینجا لەلایەن پەروەردگاریانەوە شەرابی پاك و بێگەرد و خاوێنیان پێشكەش دەكرێت.