ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
په‌یمانى شه‌یتان نایه‌ته‌دى
له‌قورئانى پیرۆزدا باسى په‌یمانى شه‌یتان ده‌کات که هه‌رگیز نایه‌ته‌دى و ته‌نها خه‌ڵه‌تاندنه‌و هیچى تر ، قورئان ده‌فه‌رموێت :
١-[يَعِدُهُمْ ويُمَنّيهِمْ ومايَعِدُهُمْ الشيطانُ إلاّ غُرُوراً](النساء: 120) واته:شه‌یتان به‌ڵێنیان ده‌داتێ و ئاوات و ئاره‌زوو ده‌ڕازێنێته‌وه بۆیان ، دیاره که شه‌یتانیش هیچ به‌ڵێنێکیان پێنادات جگه له فریودان وخه‌ڵه‌تاندن نه‌بێت ..
٢-شه‌یتان له‌ئاخیره‌تدا به‌شوێن که‌وتوانى ده‌ڵێت:[وقال الشيطانُ لّما قُضيَ الامر إنّ اللهَ وعَدَكُمْ وَعْدَ الحَقّ وَوَعَدْتُكُمْ فأخْلَفْتُكم](أبراهيم:22) واته: کاتێک هه‌مووشت ته‌واو ده‌بێت و چاکه‌کاران ده‌چنه به‌هه‌شت و خراپه‌کاران ده‌چنه دۆزه‌خ ، شه‌یتان به‌دۆستانى خۆى ده‌ڵێت :به‌ڕاستى خوا به‌ڵێنى ڕاست و دروستى پێدابوون و منیش به‌ڵێنى دۆرو ناڕاستم پێدان و به‌وه‌ش سه‌رگه‌ردانم کردن ...
٣- [الشيطان يَعِدُكُمُ الفقَر ويأمُرُكُمْ بالفحشاءِ ، والله يَعِدُكُمْ مغفِرَةً مِنْهُ وفضلاً واللهُ واسِع عليم](البقرة: 268) واته: کاتێ ئێوه له‌ماڵ و دارایتان ده‌به‌خشن ، شه‌یتان به‌ڵێنى هه‌ژارى و نه‌داریتان پێده‌دات و ده‌تانترسێنێت له‌هه‌ژارى و فه‌رمانتان پێده‌دات به‌گوناهو تاوان و خراپه و نه‌به‌خشین ، خواى گه‌وره‌ش به‌ڵێنى لێخۆش بوونێکى تایبه‌تى خۆیتان پێده‌دات له‌گه‌ڵ زۆرى ڕۆزى و به‌هره‌ى فراواندا و ، خوا فراوانگیرو زانایه ..